Белорусский портал в Казахстане

Беларусь плануе павялічыць пастаўкі лекавых сродкаў у Туркменістан



Аб гэтым паведаміў 21 траўня міністр аховы здароўя Беларусі Васіль Жарко на пасяджэнні Палаты прадстаўнікоў, адказваючы на пытанне дэпутата Мікалая Іванчанкі.

"Мы сустракаліся з міністрам аховы здароўя Туркменістана. Мы абмяркоўвалі паскарэнне доступу нашых лекавых сродкаў на іх тэрыторыю і магчымасць стварэння сумесных прадпрыемстваў на іх тэрыторыі, а таксама гаварылі аб павелічэнні паставак нашых лекавых сродкаў", - сказаў міністр.

Васіль Жарко дадаў, што з туркменскім бокам дасягнуты дамоўленасці аб абмене дэлегацыямі, каб якраз павялічыць аб`ём паставак і адкрыць СП.

Акрамя таго, міністр паведаміў, што вельмі вялікая колькасць студэнтаў з Туркменістана навучаюцца ў беларускіх медыцынскіх ВНУ.

21 траўня 2014, Мінск
БЕЛТА

Ссылка на текущий документ: http://belarus.kz/aktueller/6-408/17/26140
Текущая дата: 28.03.2024