Гадзіннiкi адрознівае эксклюзіўны дызайн, у якім выкарыстаныя элементы нацыянальнага беларускага арнаменту ў выглядзе вышыванкі і герба БНР "Пагоня".

Серыя "Повязь часу" складаецца з чатырох мадэляў гадзіннікаў. Дзве з іх прызначаныя для жанчын і маюць швейцарскі механізм, яшчэ дзве ўніверсальныя — падыдуць як жанчынам, так i мужчынам, у залежнасці ад густу i індывідуальнага стылю (маюць японскі механізм). Усе мадэлі вырабленыя ў чырвоным i шэрым дызайне беларускіх вышыванак.

Эксклюзіўнай складальнай праекта стала серыя "Вершнік 1588", якая выйшла лімітаваным накладам — 300 пранумараваных асобнікаў. Для іх вырабу выкарыстаныя швейцарскі механізм Ronda, cапфіравае напыленне на шкло цыферблата i срэбнае напыленне корпуса. Серыя мае дзве варыяцыі цыферблата. Усе мадэлі маюць арыгінальную гравіроўку задняй накрыўкі.

Кошт гадзіннікаў — ад 1.250.000 да 3.300.000 рублёў.

БелаПАН, 31 сакавіка 2015