У цырымоніі адкрыцця ўстановы прыняў удзел Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы Юрый Сянько.

Ён падкрэсліў сімвалічнасць падзеі. Сёлета Беларусь і Кітай адзначаюць 30-годдзе дыпламатычных адносін, з 1 ліпеня па 1 кастрычніка ў Кітаі праходзяць Дні культуры Рэспублікі Беларусь. Знаёмства з беларускай кухняй дазволіць жыхарам Паднябеснай лепш зразумець традыцыі і асаблівасці традыцыйнай і сучаснай культуры нашай краіны, выкарыстоўваць патэнцыял кулінарнай дыпламатыі для збліжэння нашых народаў.

У якасці ганаровых гасцей у мерапрыемстве ўзялі ўдзел кіраўнікі і супрацоўнікі замежных дыпламатычных місій у Кітаі, кіраўніцтва кітайскага інвестара — карпарацыі «Чжаалінь».

«Мінск» размясціўся ў адным з буйных бізнес-цэнтраў Пекінскай зоны тэхніка-эканамічнага развіцця і стаў першым рэстаранам беларускай кухні ў Паднябеснай.

Звязда, 23 кастрычніка 2022