Белорусский портал в Казахстане

У пункце пропуску «Мядзінінкай» на літоўска-беларускай граніцы адбыўся пажар



Аб гэтым інфармавалі ў ДПК.

З-за інцыдэнту рух у пункце пропуску спынены як з літоўскага, так і з беларускага боку. Ангар Віленскай тэрытарыяльнай мытні загарэўся ў ноч на чацвер у памежным пункце «Мядзінінкай».

Паведамленне аб пажары паступіла ў экстраныя службы каля 2.40 у чацвер. Агонь быў патушаны каля 6.50. «Цяпер на месцы працягваюць працаваць пажарныя, якія разбіраюць астатнія канструкцыі і праліваюць іх вадой», — гаворыцца ў паведамленні.

З-за пажару рух у пункце пропуску пакуль спынены ў абодвух напрамках. Неабходна ўлічваць гэту інфармацыю пры планаванні маршруту праходжання праз беларуска-літоўскую граніцу.

Звязда, 18 красавіка 2024

Ссылка на текущий документ: http://belarus.kz/aktueller/6-411/1/73744
Текущая дата: 20.06.2024