Расійскі нізкабюджэтны перавозчык "Пабеда" (уваходзіць у групу "Аэрафлот") адмовіўся ад допускаў па дзесяці міжнародных напрамках, у тым ліку ў Беларусі. 

У адпаведнасці з гэтым дакументам Расавіяцыя адклікала ў кампаніі допускі з Масквы ў Мінск (14 разоў на тыдзень), Гомель (7 разоў на тыдзень), Кіеў (28 разоў на тыдзень), Адэсу (10 разоў на тыдзень) і шэраг іншых гарадоў.

Сёлета ў лютым расійскія СМІ апублікавалі матэрыялы пра цяжкасці, з якімі сутыкаецца авіякампанія "Пабеда" пры выхадзе на рынак авіяперавозак Беларусі. Сцвярджалася, у прыватнасці, што адбываюцца затрымкі ў працэсе акрэдытацыі з-за нежадання авіякампаніі "Белавія" ўзгадніць тарыфы па гэтым маршруце.

Так, у пачатку лютага газета "Ведомости" паведаміла, што гендырэктар расійскай авіякампаніі "Пабеда" Андрэй Калмыкоў папрасіў Міністэрства транспарту РФ "паспрыяць ва ўрэгуляванні тарыфных спрэчак з беларускай авіякампаніяй "Белавія".

Для палётаў у Беларусь трэба атрымаць акрэдытацыю дэпартамента па авіяцыі, адна з умоў акрэдытацыі — узгадненне тарыфаў з прызначаным з боку Беларусі перавозчыкам ("Белавія"), зазначаў Калмыкоў.

Паводле яго слоў, у пачатку снежня 2015 года "Пабеда" падала запланаваныя тарыфы "Белавія", якія прыкладна на 30% ніжэйшыя, чым у іншых авіякампаній", але тая адмовілася іх узгадніць, палічыўшы, што яны могуць прывесці да зніжэння тарыфаў на напрамку Масква — Мінск і дэстабілізаваць наяўную канкурэнтную сітуацыю.

У Міністэрстве транспарту і камунікацый Беларусі тады абверглі інфармацыю аб тым, што беларускі бок адмовіў расійскаму лаўкостару ў палётах.

"Авіякампанія "Пабеда" прайшла ўзгадненне з дэпартаментам па авіяцыі ва ўстаноўленым парадку, дакументы яны атрымалі.

Працягваюцца перамовы на ўзроўні ўзгаднення тарыфаў. Перамовы вядуцца ў рабочым парадку. Існуюць агульныя правілы: калі вы хочаце атрымаць акрэдытацыю, вы павінны падаць пакет дакументаў", — заявіла у пачатку лютага прэс-сакратар Мінтранса Кацярына Грыб. Такімі публікацыямі "Пабеда" "падаграе штучную цікавасць", дадала яна.

Аляксей Арэшка, БелаПАН
Мінск, 2 чэрвеня 2016