Беларусь і Казахстан дамовіліся аб павелічэнні колькасці авіярэйсаў паміж дзвюма дзяржавамі па трох накірунках, паведаміла прэс-служба Мінтранса Беларусі.

Дасягнуць дамоўленасці атрымалася пасля візіту ў казахстанскую сталіцу прадстаўнікоў Мінтранса Беларусі.

Беларусь прадстаўляў намеснік міністра транспарту і камунікацый Сяргей Дубіна, казахскую - віцэ-міністр па пытаннях транспарту Берык Камаліеў.

У выніку колькасць пералётаў паміж Мінскам і Нур-Султанам павялічыцца з чатырох да сямі. Таксама па чатыры разы самалёты будуць здзяйсняць рэйсы паміж беларускай сталіцай і горадам Алматы (было два). Авіязносіны паміж Мінскам і Кустанаем будуць дзейнічаць з частатой два разы на тыдзень.

"Было прынята рашэнне працягваць паступовае аднаўленне частаты рэгулярных палётаў паміж краінамі", - адзначылі ў прэс-службе Мінтранса.

Прадстаўнікі двух транспартных ведамстваў адзначылі станоўчую дынаміку ў развіцці перавозкі грузаў чыгуначным транспартам у кірунку Беларусь-Казахстан.

Акрамя таго, бакі абмеркавалі праблемы дазволаў на міжнародныя перавозкі. Беларусь прапанавала павялічыць квоту дазволаў на міжнародныя аўтаперавозкі грузаў у і з трэціх краін.

Таксама Мінск лічыць мэтазгодным перайсці на абмен дазволамі ў электронным выглядзе - пасля тэхнічнай гатоўнасці і выканання неабходных працэдур. Гэтыя пытанні вынесуць на камісію па аўтатранспарце ў кастрычніку 2021 года.

Мінск, 2 ліпеня 2021
Sputnik