Паводле паведамлення польскага боку, кантроль адносна паліва, што ўвозіцца на тэрыторыю Еўрапейскага саюза ў баках легкавых транспартных сродкаў, узмоцнены з 14 лістапада.

"Уезд у Польшчу транспартных сродкаў з поўнымі бакамі, прадугледжанымі заводам-вытворцам, магчымы бяспошлінна адзін раз у 72 гадзіны (3 сутак). У выпадку калі ўезд будзе ажыццяўляцца часцей, то норма бяспошліннага ўвозу не можа перавышаць 20 л аўтамабільнага паліва. У адваротным выпадку (у частцы перавышэння 20 л) будзе спаганяцца мытная пошліна або транспартны сродка будзе вернуты на тэрыторыю Беларусі", - растлумачылі ў Брэсцкай мытні.

Адлік часу (сутак) для кожнага грамадзяніна будзе праводзіцца індывідуальна, пры гэтым суткі будуць лічыцца не каляндарныя, а з моманту папярэдняга ўезду ў Польшчу.

21 лістапада 2016, Мінск
БЕЛТА