Конкурс праходзіць з 22 студзеня па 4 сакавіка і прысвечаны 105-гадоваму юбілею беларускай дыпламатычнай службы.

"Калі ты студэнт або студэнтка адной з беларускіх ВНУ, табе да 27 гадоў і ў цябе беларускае грамадзянства, ты цікавішся міжнароднымі адносінамі, знешняй палітыкай і эканомікай, ведаеш, што "агрэман" гэта не са сферы кулінарыі, а "альтэрнат" не заклінанне для выкліку дэманаў, самы час прыняць удзел у нашым конкурсе", - заклікалі арганізатары конкурсу.

У міністэрстве адзначылі, што пераможцы папярэдніх гадоў прайшлі ўжо практыку ў МЗС (а некаторыя і не аднойчы), прынялі ўдзел у семінары-практыкуме для маладых дыпламатаў, а таксама ў шэрагу міжнародных мерапрыемстваў.

Падрабязную інфармацыю аб конкурсе і правілах удзелу можна знайсці ў афіцыйным акаўнце МЗС у Facebook.

22 студзеня 2024, Мінск
БЕЛТА