Злучаным Штатам Амерыкі, калі яны на самой справе клапоцяцца аб украінскім народзе, трэба спыніць пастаўкі ўзбраення Кіеву, заявіла афіцыйны прадстаўнік МЗС КНР Мао Нін на брыфінгу ў панядзелак.

Пры гэтым яна назвала Вашынгтон, які бесперапынна пастаўляе зброю на Украіну, галоўным ініцыятарам крызісу ў гэтай краіне.

"ЗША – галоўны ініцыятар і асноўная рухаючая сіла ўкраінскага крызісу, яны бесперапынна пастаўляюць цяжкае і наступальнае ўзбраенне на Украіну, зацягваючы канфлікт і робячы яго больш інтэнсіўным", – сказала Мао Нін.

Дыпламат адзначыла, што калі Штаты сапраўды жадаюць, каб гэты крызіс хутчэй скончыўся, то павінныя не "нажывацца на вайне".

Яна таксама ўказала на неабходнасць садзейнічаць больш хуткай дээскалацыі і працаваць на стварэнне спрыяльнага становішча і ўмоў "для вядзення мірных перагавораў зацікаўленымі бакамі".

Афіцыйная прадстаўніца МЗС КНР таксама звярнула ўвагу на тое, што ЗША, якім час задумацца аб сваіх дзеяннях на Украіне, беспадстаўна абвінавачваюць кітайскія дзяржкампаніі ў нібыта аказанні ваеннай і фінансавай дапамогі Расіі ў спецаперацыі.

"Мы не прымаем такі беспадстаўны шантаж, не будзем сядзець склаўшы рукі і назіраць, як ЗША неабгрунтавана ўшчамляюць законныя правы і інтарэсы кітайскіх кампаній", – папярэдзіла Мао Нін.

Між тым яна падкрэсліла, што Пекін накіраваны не на канфрантацыю з Вашынгтонам, у тым ліку па пытаннях украінскага крызісу і Карэйскага паўвострава, а на дыялог.

"Спадзяемся, што ЗША будуць рухацца насустрач Кітаю, а таксама будуць прытрымлівацца дыялогу, а не канфрантацыі, узаемнага выйгрышу, а не гульні з нулявой сумай", – сказала дыпламатка.

Мінск, 30 студзеня 202
Sputnik