Аб гэтым паведамілі ў прэс-службе беларускага знешнепалітычнага ведамства.
Бакі ў прагматычным ключы абмеркавалі актуальныя пытанні двухбаковага парадку дня, у тым ліку тэматыку абмену пасламі. Уладзімір Макей праінфармаваў субяседніка аб ходзе працэсу падбору кандыдатуры на пасаду пасла Беларусі ў ЗША.
Дэрэк Шале ў сваю чаргу пацвердзіў гатоўнасць назначанага пасла ЗША прыбыць у нашу краіну.
Бакі згадзіліся з неабходнасцю развіцця дыялогу, пры гэтым канстатавалі наяўнасць істотных рознагалоссяў у двухбаковых адносінах.
У сувязі з выказаным Дэрэкам Шале шэрагам заклапочанасцей Уладзімір Макей заклікаў амерыканскі бок аб`ектыўна падыходзіць да ацэнкі сітуацыі ў Беларусі, акцэнтаваў увагу на контрпрадукцыйнасці спроб аказання націску на суверэнную дзяржаву.
У гэтым кантэксце міністр звярнуў увагу на той факт, што шэраг заяў амерыканскага боку зроблены як пад капірку. Уладзімір Макей таксама перасцярог субяседніка ад жадання ўздзейнічаць на работу праваахоўнай або судовай сістэмы Беларусі.
Бакі сышліся на думцы, што ў апошнія гады менавіта ў рамках узаемапаважлівага дыялогу Беларусі і ЗША ўдалося дасягнуць значнага прагрэсу ў двухбаковых адносінах.
23 сакавіка 2021, Мінск
БЕЛТА
23 сакавіка 2021, Мінск
БЕЛТА
Ссылка на текущий документ: http://belarus.kz/aktueller/8-/24/58701
Текущая дата: 27.12.2024