МЗС Беларусі на мінулым тыдні адклікаў паслоў з Польшчы і Літвы, пасля чаго папрасіў Варшаву і Вільню паступіць аналагічным чынам, а таксама скараціць штат дыпламатаў для дасягнення парытэту.

"Гэты крызіс ініцыяваны беларускім бокам па цалкам зразумелых прычынах. Мы не можам дазволіць ніводнай дзяржаве настолькі нахабна і бесцырымонна ўмешвацца ў нашы ўнутраныя справы", - растлумачыў суразмоўца.

Паводле яго слоў, падобныя дзеянні могуць расцэньвацца, як аб`ява гібрыднай вайны. У цяперашні час у міжнародным праве няма такога паняцця, але па сутнасці справы - гэта рэальная вайна.

"Адкліканне паслоў на кансультацыі і скарачэнне колькасці штату пасольстваў, напэўна, самая мяккая мера, якую мы маглі рэалізаваць у дадзенай сітуацыі", - лічыць ён.

Пры гэтым дыпламат дадаў, што на яго погляд, дзеянні павінны быць яшчэ больш жорсткім.

На яго думку, дадзены альянс у "Старой Еўропе" выклікае пэўнае раздражненне, таму што там разумеюць, што свет уступае ў складаны перыяд крызісу, у рамках якога трэба думаць, як знайсці выйсце з канфлікту, а не пагаршаць яго.

"Польшча, гуляючы на баку ЗША, спрабуе павялічыць свой рэгіянальны патэнцыял. Таму, калі мы гаворым пра Еўрапейскі Саюз, можна з упэўненасцю на 80% казаць пра тое, што яны не будуць абвастраць сітуацыю", - падзяліўся ацэнкай эксперт.

Адказваючы на пытанне, хто мог бы стаць у "Старой Еўропе" саюзнікам у дадзенай сітуацыі, суразмоўца  падкрэсліў "у нас няма там саюзнікаў, але пры гэтым усе краіны з`яўляюцца партнёрамі".

Пасля чаго нагадаў, што ў бытнасць міністрам замежных спраў Сяргей Мартынаў у беларускай дыпламатыі увёў паняцце "контрпартнёры".

"Асноўныя міжнародныя гульцы адкідаюць паняцце паліткарэктнасці і вяртаюцца да "realpolitik" без якой-небудзь сарамлівасці і проста перастаюць крывадушнічаць", - канстатаваў дыпламат.

Пры канцы ён асабліва адзначыў, што "партнёрскія адносіны" - гэта не больш, чым словы.

"Ёсць супадзенне інтарэсаў, значыць - гэта партнёрства. Няма супадзення інтарэсаў, значыць, няма партнёрства. З ЕС у нас супадзення інтарэсаў практычна няма", - рэзюмаваў суразмоўца.

Мінск, 6 кастрычніка 2020
Sputnik