"У сувязі з гэтым здарэннем украінскаму боку быў накіраваны зварот з просьбай паведаміць абставіны гібелі беларускага грамадзяніна, а таксама правесці максімальна аператыўнае і ўсебаковае расследаванне, аб ходзе і выніках якога неабходна паведаміць беларускаму боку. Да гэтага часу адказ на зварот адсутнічае", - сказаў Дзмітрый Мірончык.

Прадстаўнік МЗС таксама паведаміў, што беларуская дыпмісія ва Украіне працуе ў звычайным рэжыме і ажыццяўляе ўвесь комплекс паслуг, якія аказваюцца, у тым ліку і беларускім грамадзянам, якія знаходзяцца за мяжой.

Інфармацыя аб іншых пацярпелых або загінуўшых грамадзянах Беларусі з Украіны пакуль не паступала. Вядома толькі аб інцыдэнце з абстрэлам аўтобуса з турыстамі ў Ровенскай вобласці, у выніку якога пацярпеў грамадзянін Расіі - жыхар Беларусі. Афіцыйнай інфармацыі ад украінскага боку наконт гэтага таксама не паступала. Беларуская консульская служба рэагавала на гэты выпадак у аператыўным парадку.

Акрамя таго, Дзмітрый Мірончык адзначыў, што пакуль няма неабходнасці ў эвакуацыі беларускіх грамадзян з Украіны, і нагадаў, што МЗС раней рэкамендавала часова пакінуць гэту краіну.

27 лютага 2014, Мінск
БЕЛТА

Ссылка на текущий документ: http://belarus.kz/aktueller/8-/76/25220

Текущая дата: 26.11.2024