Як паведамляе прэс-служба МЗС Беларусі, падчас сустрэчы абмяркоўваліся вынікі гандлёва-эканамічнага і інвестыцыйнага супрацоўніцтва паміж Беларуссю і Нідэрландамі ў 2013 годзе, а таксама перспектыўныя кірункі пашырэння двухбаковага ўзаемадзеяння ў такіх прыярытэтных галінах, як сельская гаспадарка, энергетыка, транспарт і лагістыка, уключаючы ажыццяўленне запланаваных на 2014 год узаемных візітаў прадстаўнікоў дзяржаўных структур і дзелавых колаў дзвюх краін.

Нідэрландскаму боку была прадстаўлена інфармацыя аб стварэнні кітайска-беларускага індустрыяльнага парку і пра наяўныя бізнес-магчымасці для нідэрландскіх кампаній па адкрыцці на яго тэрыторыі высокатэхналагічных і інавацыйных вытворчасцяў, адзначаецца ў паведамленні.

Таццяна Каравянкова, БелаПАН
Мінск, 19 лютага 2014

Ссылка на текущий документ: http://belarus.kz/aktueller/8-/77/25080

Текущая дата: 26.11.2024