"Мы пацвярджаем факт атрымання афіцыйнага запрашэння на саміт "Усходняга партнёрства", які адбудзецца ў Вільнюсе. Гэта запрашэнне ідэнтычна як па змесце, так і па працэдуры ўручэння запрашэнням, перададзеным іншым краінам - партнёрам УП. Для нас гэта прынцыповае пытанне, паколькі Беларусь заўсёды прытрымлівалася пазіцыі аб неабходнасці раўнапраўнага падыходу да ўзаемадзеяння ў рамках "Усходняга партнёрства". Цяпер пытанне ўдзелу Беларусі ў маючым адбыцца саміце знаходзіцца ў кампетэнцыі кіраўніка беларускай дзяржавы", - падкрэсліў Андрэй Савіных.

Як паведамлялася раней, віцэ-міністр замежных спраў Літвы Андрус Крывас уручыў Надзвычайнаму і Паўнамоцнаму Паслу Беларусі ў Літве Уладзіміру Дражыну запрашэнне для ўдзелу Беларусі ў саміце краін - удзельніц праграмы "Усходняе партнёрства".

Паводле інфармацыі МЗС Літвы, запрашэнні перададзены дыпламатам Арменіі, Азербайджана, Беларусі, Грузіі, Малдовы і Украіны. Пісьмы падпісаны прэзідэнтам Літвы Далей Грыбаўскайтэ, прэзідэнтам Еўрасаюза Херманам ван Ромпёем і старшынёй Еўракамісіі Жазэ Мануэлам Барозу.

Саміт "Усходняга партнёрства" пройдзе ў Вільнюсе 28-29 лістапада.

16 кастрычніка 2013, Мінск
БЕЛТА

Ссылка на текущий документ: http://belarus.kz/aktueller/8-/81/23847

Текущая дата: 26.11.2024