Аб гэтым заявіў статс-сакратар МЗС РФ Рыгор Карасін 27 жніўня ў Маскве на сустрэчы з беларускім паслом Ігарам Петрышэнкам.
У ходзе сустрэчы "было сказана, што сам факт затрымання Баўмгертнера і разгорнутая вакол гэтага інфармацыйная кампанія не адпавядаюць саюзніцкаму характару адносінаў нашых краін і могуць паўплываць на графік расійска-беларускіх кантактаў на палітычным узроўні", паведамляе прэс-служба расійскага МЗС.
З расійскага боку таксама было заяўлена, што "затрыманне бізнесмена, які знаходзіўся ў Беларусі па запрашэнні кіраўніка ўрада краіны для вырашэння важных пытанняў расійска-беларускага эканамічнага ўзаемадзеяння, з`яўляецца недапушчальным".
Паводле інфармацыі прэс-службы МЗС РФ, Петрышэнка "абяцаў давесці зварот расійскага боку да ведама кіраўніцтва Рэспублікі Беларусь".
Аб затрыманні Уладзіслава Баўмгертнера паведаміў 26 жніўня Следчы камітэт Беларусі. У дачыненні да гендырэктара "Уралкалія", які з`яўляецца старшынёй назіральнага савета ЗАТ "Беларуская калійная кампанія", а таксама члена назіральнага савета ЗАТ "БКК" Алега Пятрова, першага намесніка гендырэктара Канстанціна Саладоўнікава, намесніка гендырэктара па фінансах Ігара Яўстратава, начальніка фрахтовага аддзела Дзмітрыя Самойлава і іншых асоб распачаты справы па ч. 3 арт. 424 Крымінальнага кодэкса (злоўжыванне ўладай і службовымі паўнамоцтвамі). Падставай для гэтага сталі матэрыялы аб учыненні імі яўных злоўжыванняў службовымі паўнамоцтвамі ў карыслівых мэтах, што пацягнула нанясенне істотнага ўрону дзяржаўным і грамадскім інтарэсам краіны, а таксама нанясенне ўрону ў асабліва буйным памеры ААТ "Беларуськалій" і ЗАТ "БКК".
Учора высветлілася, што Баўмгертнер знаходзіўся у Беларусі па запрашэнні кіраўніка беларускага ўрада. Начальнік упраўлення па сувязях з грамадскасцю "Уралкалія" Аляксандр Бабінскі паведаміў, што акрамя Уладзіслава Баўмгертнера ў Мінск запрашаліся старшыня савета дырэктараў "Уралкалія" Аляксандр Валошын і акцыянер кампаніі Сулейман Керымаў. Беларускі бок прапаноўваў разгледзець пытанні, звязаныя з працай ЗАТ "Беларуская калійная кампанія" (БКК). Валошын і Керымаў прыехаць на сустрэчу не змаглі.
Затрыманне Баўмгертнера, якое адбылося ўжо пасля перамоў, ва "Уралкаліі" расцэньваюць як "грубую правакацыю", заявіў Бабінскі.
Таццяна Каравянкова, БелаПАН
Мінск, 27 жніўня 2013
З расійскага боку таксама было заяўлена, што "затрыманне бізнесмена, які знаходзіўся ў Беларусі па запрашэнні кіраўніка ўрада краіны для вырашэння важных пытанняў расійска-беларускага эканамічнага ўзаемадзеяння, з`яўляецца недапушчальным".
Паводле інфармацыі прэс-службы МЗС РФ, Петрышэнка "абяцаў давесці зварот расійскага боку да ведама кіраўніцтва Рэспублікі Беларусь".
Аб затрыманні Уладзіслава Баўмгертнера паведаміў 26 жніўня Следчы камітэт Беларусі. У дачыненні да гендырэктара "Уралкалія", які з`яўляецца старшынёй назіральнага савета ЗАТ "Беларуская калійная кампанія", а таксама члена назіральнага савета ЗАТ "БКК" Алега Пятрова, першага намесніка гендырэктара Канстанціна Саладоўнікава, намесніка гендырэктара па фінансах Ігара Яўстратава, начальніка фрахтовага аддзела Дзмітрыя Самойлава і іншых асоб распачаты справы па ч. 3 арт. 424 Крымінальнага кодэкса (злоўжыванне ўладай і службовымі паўнамоцтвамі). Падставай для гэтага сталі матэрыялы аб учыненні імі яўных злоўжыванняў службовымі паўнамоцтвамі ў карыслівых мэтах, што пацягнула нанясенне істотнага ўрону дзяржаўным і грамадскім інтарэсам краіны, а таксама нанясенне ўрону ў асабліва буйным памеры ААТ "Беларуськалій" і ЗАТ "БКК".
Учора высветлілася, што Баўмгертнер знаходзіўся у Беларусі па запрашэнні кіраўніка беларускага ўрада. Начальнік упраўлення па сувязях з грамадскасцю "Уралкалія" Аляксандр Бабінскі паведаміў, што акрамя Уладзіслава Баўмгертнера ў Мінск запрашаліся старшыня савета дырэктараў "Уралкалія" Аляксандр Валошын і акцыянер кампаніі Сулейман Керымаў. Беларускі бок прапаноўваў разгледзець пытанні, звязаныя з працай ЗАТ "Беларуская калійная кампанія" (БКК). Валошын і Керымаў прыехаць на сустрэчу не змаглі.
Затрыманне Баўмгертнера, якое адбылося ўжо пасля перамоў, ва "Уралкаліі" расцэньваюць як "грубую правакацыю", заявіў Бабінскі.
Таццяна Каравянкова, БелаПАН
Мінск, 27 жніўня 2013
Ссылка на текущий документ: http://belarus.kz/aktueller/8-/83/22947
Текущая дата: 26.11.2024