Еўрапарламент патрабуе правядзення новых выбараў прэзідэнта Беларусі ў адпаведнасці з міжнароднымі стандартамі. Аб гэтым гаворыцца ў рэзалюцыі, прынятай 20 студзеня на сесіі ЕП у Страсбургу.
Як паведамляе прэс-служба Еўрапарламента, дакумент "рашуча асуджае жорсткія рэпрэсіі з боку паліцыі і КДБ у дзень выбараў" і заклікае "правесці незалежнае і бесстаронняе расследаванне таго, што адбылося", пад эгідай Арганізацыі па бяспецы і супрацоўніцтве ў Еўропе (АБСЕ).
Нагадаем, Еўрапарламент таксама заклікае Савет ЕС увесці забарону на выдачу віз вышэйшым беларускім чыноўнікам, а таксама прадстаўнікам судовых і праваахоўных органаў, якія маюць дачыненне да фальсіфікацый вынікаў выбараў і рэпрэсій у дачыненні да апазіцыі, актывістаў грамадзянскай супольнасці і журналістаў, а таксама замарозіць іх рахункі ў краінах Еўрасаюза.
У дакуменце падкрэсліваецца, што гэтыя санкцыі павінны дзейнічаць да таго часу, пакуль беларускія ўлады не вызваляць усіх палітычных зняволеных і затрыманых падчас акцый пратэсту і не знімуць з іх абвінавачанні.
Акрамя таго, рэзалюцыя прапануе разгледзець магчымасць эканамічных санкцый у дачыненні да беларускага ўрада, у прыватнасці замарозку любой фінансавай дапамогі, што выдзяляецца праз Міжнародны валютны фонд, Еўрапейскі інвестыцыйны банк і Еўрапейскі банк рэканструкцыі і развіцця.
Пры гэтым у дакуменце адзначаецца: ЕС павінен аблегчыць працэдуру атрымання віз для беларускіх грамадзян, павялічыць падтрымку грамадзянскай супольнасці і незалежных масмедыя Беларусі. Узгадваюцца, у прыватнасці, такія СМІ, як тэлеканал "Белсат", радыёстанцыі "Еўрапейскае радыё для Беларусі" і "Радыё Рацыя". Адначасова прапануецца прыпыніць супрацоўніцтва з дзяржаўнымі СМІ. Няўрадавыя арганізацыі, якім адмоўлена ў рэгістрацыі ў Беларусі, павінны быць зарэгістраваныя ў краінах ЕС і мець магчымасць атрымліваць дапамогу ў рамках еўрапейскіх праграм.
Еўрапарламент выказвае асаблівую занепакоенасць сітуацыяй з трохгадовым сынам экс-кандыдата ў прэзідэнты Беларусі Андрэя Саннікава і журналісткі Ірыны Халіп, пытанне аб апякунстве над якім пакуль не вырашанае.
Таццяна Каравянкова, БелаПАН
Мінск, 20 студзеня. 2011
Нагадаем, Еўрапарламент таксама заклікае Савет ЕС увесці забарону на выдачу віз вышэйшым беларускім чыноўнікам, а таксама прадстаўнікам судовых і праваахоўных органаў, якія маюць дачыненне да фальсіфікацый вынікаў выбараў і рэпрэсій у дачыненні да апазіцыі, актывістаў грамадзянскай супольнасці і журналістаў, а таксама замарозіць іх рахункі ў краінах Еўрасаюза.
У дакуменце падкрэсліваецца, што гэтыя санкцыі павінны дзейнічаць да таго часу, пакуль беларускія ўлады не вызваляць усіх палітычных зняволеных і затрыманых падчас акцый пратэсту і не знімуць з іх абвінавачанні.
Акрамя таго, рэзалюцыя прапануе разгледзець магчымасць эканамічных санкцый у дачыненні да беларускага ўрада, у прыватнасці замарозку любой фінансавай дапамогі, што выдзяляецца праз Міжнародны валютны фонд, Еўрапейскі інвестыцыйны банк і Еўрапейскі банк рэканструкцыі і развіцця.
Пры гэтым у дакуменце адзначаецца: ЕС павінен аблегчыць працэдуру атрымання віз для беларускіх грамадзян, павялічыць падтрымку грамадзянскай супольнасці і незалежных масмедыя Беларусі. Узгадваюцца, у прыватнасці, такія СМІ, як тэлеканал "Белсат", радыёстанцыі "Еўрапейскае радыё для Беларусі" і "Радыё Рацыя". Адначасова прапануецца прыпыніць супрацоўніцтва з дзяржаўнымі СМІ. Няўрадавыя арганізацыі, якім адмоўлена ў рэгістрацыі ў Беларусі, павінны быць зарэгістраваныя ў краінах ЕС і мець магчымасць атрымліваць дапамогу ў рамках еўрапейскіх праграм.
Еўрапарламент выказвае асаблівую занепакоенасць сітуацыяй з трохгадовым сынам экс-кандыдата ў прэзідэнты Беларусі Андрэя Саннікава і журналісткі Ірыны Халіп, пытанне аб апякунстве над якім пакуль не вырашанае.
Таццяна Каравянкова, БелаПАН
Мінск, 20 студзеня. 2011
Ссылка на текущий документ: http://belarus.kz/aktueller/8-0/134/3877
Текущая дата: 23.12.2024