Камісія ЗША па бяспецы і супрацоўніцтве ў Еўропе (Хельсінкская камісія) выказвае глыбокую занепакоенасць рэпрэсіўнай кампаніяй, якая разгарнулася ў Беларусі пасля снежаньскіх выбараў. Пра гэта гаворыцца ў сумеснай заяве сустаршыняў камісіі, сенатара Бенджаміна Кардына і кангрэсмена Элсі Гастынгса.
"Імклівае пагаршэнне сітуацыі ў Беларусі патрабуе рашучага адказу ад ЗША, Еўрасаюза і іншых бакоў, прыхільных прынцыпам Хельсінкскага заключнага акта. Рэпрэсіўная кампанія ў Мінску павінна быць спынена, пачынаючы з неадкладнага вызвалення затрыманых журналістаў і апазіцыйных актывістаў", — цытуе Кардына прэс-служба Хельсінкскай камісіі.
"У снежні прэзідэнт Лукашэнка на саміце ў Астане пацвердзіў, што Беларусь будзе прытрымлівацца прынцыпаў АБСЕ, але ўжо праз некалькі тыдняў яго рэжым пачаў поўнамаштабны наступ на свабодную прэсу і грамадзянскую супольнасць, — заявіў у сваю чаргу Гастынгс. — Цяпер самы час для Лукашэнкі прыструніць КДБ і праваахоўныя органы, вызваліць зняволеных, спыніць рэпрэсіі ў дачыненні да незалежных СМІ і дэмакратычных актывістаў і пачаць супрацоўніцтва з АБСЕ".
Сустаршыні Хельсінкскай камісіі адзначаюць, што ЗША і Еўрасаюз плануюць увесці больш жорсткія санкцыі ў дачыненні да Беларусі ў адказ на працяг рэпрэсій.
Бенджамін Кардын узначальваў дэлегацыю кангрэса і сената ЗША падчас візіту ў Беларусь у 2009 годзе, а Элсі Гастынгс асабіста знаёмы з некаторымі са зняволеных беларускіх актывістаў, паведамляе прэс-служба Хельсінкскай камісіі.
Таццяна Каравянкова, БелаПАН
Мінск, 21 студзеня 2011
"У снежні прэзідэнт Лукашэнка на саміце ў Астане пацвердзіў, што Беларусь будзе прытрымлівацца прынцыпаў АБСЕ, але ўжо праз некалькі тыдняў яго рэжым пачаў поўнамаштабны наступ на свабодную прэсу і грамадзянскую супольнасць, — заявіў у сваю чаргу Гастынгс. — Цяпер самы час для Лукашэнкі прыструніць КДБ і праваахоўныя органы, вызваліць зняволеных, спыніць рэпрэсіі ў дачыненні да незалежных СМІ і дэмакратычных актывістаў і пачаць супрацоўніцтва з АБСЕ".
Сустаршыні Хельсінкскай камісіі адзначаюць, што ЗША і Еўрасаюз плануюць увесці больш жорсткія санкцыі ў дачыненні да Беларусі ў адказ на працяг рэпрэсій.
Бенджамін Кардын узначальваў дэлегацыю кангрэса і сената ЗША падчас візіту ў Беларусь у 2009 годзе, а Элсі Гастынгс асабіста знаёмы з некаторымі са зняволеных беларускіх актывістаў, паведамляе прэс-служба Хельсінкскай камісіі.
Таццяна Каравянкова, БелаПАН
Мінск, 21 студзеня 2011
Ссылка на текущий документ: http://belarus.kz/aktueller/8-0/134/3882
Текущая дата: 23.12.2024