Дыпламат падзяліўся некаторымі падрабязнасцямі праведзеных перагавораў, якія, паводле яго слоў, прайшлі ў дружалюбнай атмасферы.

"Для мяне вялікі гонар быць прынятым Прэзідэнтам Беларусі. Мы гаварылі аб дружалюбных і братэрскіх адносінах паміж дзвюма дзяржавамі і народамі, - сказаў пасол Сербіі. - Прэзідэнт заўважыў, што такія адносіны - рэдкасць у міжнароднай палітыцы".

Паводле яго слоў, абмяркоўваліся магчымасці і перспектывы гандлёва-эканамічнага супрацоўніцтва. Напрыклад, Сербія чакае пастаўку вялікай партыі беларускага электратранспарту.

Пасол падзяліўся, што палюбіў нашу краіну і яе народ, таму з вялікім шкадаваннем будзе пакідаць яе. "Беларусь назаўсёды застанецца ў маім сэрцы", - сказаў ён.

Велька Кавачавіч узначальваў дыпламатычную місію Сербіі ў Мінску з 2014 года.