У пасяджэнні, якое праходзіла ў фармаце відэаканферэнцыі, прынялі ўдзел кіраўнікі і эксперты прававых службаў знешнепалітычных ведамстваў Арменіі, Беларусі, Казахстана, Кыргызстана, Расіі, Таджыкістана і Узбекістана, а таксама прадстаўнікі прававога дэпартамента Выканкама СНД.

Удзельнікі сустрэчы прадоўжылі абмеркаванне практыкі дзяржаў па маніторынгу выканання міжнародных абавязацельстваў, абмяняліся інфармацыяй адносна ўдасканалення заканадаўства краін СНД аб міжнародных дагаворах, а таксама па пытаннях вядзення агульнадаступных электронных баз міжнародных дагавораў.

Адбылася змястоўная дыскусія па актуальных пытаннях прававога супрацоўніцтва ў Садружнасці і на пляцоўках ключавых міжнародных арганізацый.

Чарговае пасяджэнне Кансультатыўнага камітэта адбудзецца да канца бягучага года.

Звязда, 27 верасня 2023