Сучасным літоўскім палітыкам неабходна вучыць гісторыю, заявіла афіцыйны прадстаўнік МЗС РФ Марыя Захарава, каментуючы такім чынам дамаганні прэзідэнта Літвы Гітанаса Наўседы Калінінградскай вобласці.

Некаторы час таму Наўседа размясціў на сваёй старонцы ў сацсетцы Х пост, у якім негатыўна паставіўся да змены назвы Мемарыяльнага музея Крысціёнаса Данэлайціса ў пасёлку Чыстыя Пруды. Палітык указаў, што гістарычна Калінінград з’яўляецца нібыта гістарычна літоўскім горадам і павінен насіць адпаведную назву.

"Сучасным літоўскім палітыкам рэкамендую вучыць гісторыю і заклапаціцца захаваннем праў чалавека ў сваёй краіне, а таксама наваліцца на "народную" гаспадарку, якая загінаецца. Ёсць чым заняцца, калі так клапоцяцца аб сваёй ідэнтычнасці, ад якой за пару дзесяцігоддзяў "незалежнасці" ўжо амаль нічога не засталося", - заявіла Захарава.

Афіцыйны прадстаўнік расійскага МЗС звярнула ўвагу на тое, што літоўская сталіца называецца Вільнюс, а не Вільня і Каўнас не Коўна, дзякуючы рашэнню савецкага лідара.

"Гэта было рашэнне Іосіфа Сталіна, які ў 1939 годзе заключыў з літоўскім бокам Дагавор аб перадачы Літоўскай Рэспубліцы горада Вільна і Віленскай вобласці і аб узаемадапамозе паміж Савецкім Саюзам і Літвой", - указала яна.

Палітык дадала, што найбуйнейшы літоўскі порт на Балтыцы быў перайменаваны ў Клайпеду і стаў лічыцца канчаткова літоўскім толькі дзякуючы подзвігу Чырвонай арміі ў 1945 годзе. Пры гэтым зараз "перапісвалкі гісторыі" зносяць помнікі байцам гэтай арміі, указала Захарава.

"Усе гэтыя "падарункі" Савецкага Саюза Літве, якія мясцовыя нашчадкі недабітых "лясных братоў" да гэтага часу не могуць дараваць Маскве, Вільнюс можа і назад вярнуць, калі гісторыя так цісне літоўскаму прэзідэнту", - напісала афіцыйная прадстаўніца МЗС РФ у сваім Telegram-канале.

Мінск, 10 студзеня 2025
Sputnik