Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В’етнам Уладзімір Баравікоў уручыў копіі даверчых грамат начальніку дзяржаўнага пратакола Міністэрства замежных спраў В’етнама Нгуен В’ет Зунгу, расказалі ў пасольстве Беларусі ў Ханоі.
«Падчас праведзенай сустрэчы бакі адзначылі традыцыйна дружалюбны характар беларуска-в’етнамскага супрацоўніцтва. Акрамя таго, была адзначана ўзаемная гатоўнасць працаваць над далейшай актывізацыяй узаемадзеяння, а таксама абмеркаваны прыярытэтныя пытанні двухбаковага парадку дня», — распавялі ў беларускай дыпмісіі.
Дыпламатычныя адносіны паміж краінамі ўстаноўлены 24 студзеня 1992 года. У снежні 1997 года гандлёвае прадстаўніцтва Рэспублікі Беларусь у В’етнаме пераўтворана ў пасольства. В’етнамскае пасольства ў беларускай сталіцы адкрыта ў канцы 2003 года.
Звязда, 17 сакавіка 2022
Звязда, 17 сакавіка 2022
Ссылка на текущий документ: http://belarus.kz/aktueller/8-1/10/64052
Текущая дата: 23.12.2024