"Яны (удзельнікі саміту. - Заўвага БЕЛТА) вітаюць прагрэс, дасягнуты ў перагаворах з Беларуссю па пытанні спрашчэння візавага рэжыму і рэадмісіі, таксама як і тое, што дасягнута на шляху да ўстанаўлення партнёрства па мабільнасці з Беларуссю", - гаворыцца ў праекце дэкларацыі.

Акрамя таго, адзначаецца, што ўдзельнікі саміту вітаюць крокі, зробленыя ў адносінах ЕС і Беларусі. Удзельнікі вітаюць і далучэнне Беларусі да Еўрапейскай прасторы вышэйшай адукацыі, чакаюць даклада аб прагрэсе краіны ў імплементацыі дарожнай карты рэформ у вышэйшай адукацыі, якія неабходны для выканання ўмоў Балонскага працэсу.

Акрамя таго, у праекце дэкларацыі гаворыцца, што ўдзельнікі саміту чакаюць правядзення першай міністэрскай сустрэчы "Усходняга партнёрства" па лічбавай эканоміцы, якую плануецца правесці ў Мінску ў чэрвені бягучага года. Таксама ўдзельнікі Рыжскага саміту чакаюць стварэння Панэлі па гарманізацыі лічбавых рынкаў у другой палавіне гэтага года. Панэль будзе будавацца на базе беларускай ініцыятывы з падтрымкай ад некаторых краін ЕС.

Саміт ініцыятывы "Усходняе партнёрства" пачынаецца сёння ў Рызе з афіцыйнага прыёму для кіраўнікоў дэлегацый краін - удзельніц "УП" і Еўрасаюза ад імя прэзідэнта Латвіі Андрыса Берзіньша. Беларускую дэлегацыю ўзначаліць міністр замежных спраў Уладзімір Макей. Асноўныя мерапрыемствы саміту пройдуць 22 мая.

21 мая 2015, Рыга
БЕЛТА