Беларусь разглядае магчымасць скарачэння тэрміну прыняцця рашэння аб даванні статусу бежанца для грамадзян Украіны, паведаміў беларускі пасол Валянцін Вялічка 18 жніўня на прэс-канферэнцыі ў Кіеве.
Як паведамляе РИА Новости, пасол адзначыў, што дакументы аб даванні статусу бежанца звычайна разглядаюцца на працягу шасці месяцаў, але для прыбыўшых з Луганскай і Данецкай абласцей гэты тэрмін, магчыма, будзе скарочаны да трох месяцаў.
Паводле слоў Вялічкі, за апошнія месяцы ў Беларусь выехала прыкладна 26 тысяч грамадзян Украіны, каля 500 чалавек звярнуліся па статус бежанца (паводле звестак Белстата, за ўвесь 2013 год у Беларусь з Украіны эмігравала 2 тысячы 203 чалавекі). Каля паўтары тысячы ўкраінцаў маюць від на пастаяннае жыхарства ў Беларусі, што дае ім магчымасць працаваць і забяспечыць сябе жыллём, паведаміў пасол. Яшчэ больш за 3 тысячы заявак цяпер знаходзіцца на разглядзе.
"Цяпер мы таксама маем шмат зваротаў аб тым, каб прадоўжыць вучобу ў Беларусі, асабліва ад тых, хто прыехаў з зоны баявых дзеянняў", — дадаў кіраўнік беларускага дыппрадстаўніцтва ў Кіеве.
Вялічка падкрэсліў, што Беларусь па-ранейшаму выступае за тэрытарыяльную цэласнасць Украіны і вырашэнне канфлікту на ўсходзе краіны шляхам перамоў. "Наша пазіцыя нязменная: няма ніякай федэралізацыі, ёсць цэласнасць Украіны. Другое: усе пытанні павінны вырашацца праз перамоўны мірны шлях", — сказаў пасол.
Ён таксама запэўніў, што з боку Беларусі не будзе ваеннай агрэсіі адносна Украіны. "Я хачу сказаць словамі кіраўніка дзяржавы: ніколі з боку Беларусі і трэціх краін не будзе агрэсіі", — заявіў беларускі дыпламат.
Нагадаем, раней Аляксандр Лукашэнка заяўляў пра неабходнасць захаваць Украіну адзінай і цэласнай дзяржавай. "Нельга ў гэтай мітусні і блытаніне праводзіць нейкія рэферэндумы аб федэралізацыі і іншае. Гэта ўсё будзе неаб`ектыўна, гэта дасць падставу гаварыць, што яны нелегітымныя, і будзе вечна стаяць пытанне аб прызнанні і непрызнанні гэтага рэферэндуму", — гаварыў Лукашэнка ў канцы сакавіка ў інтэрв`ю ўкраінскай праграме "Шустэр live".
Анастасія Салановіч, БелаПАН
Мінск, 18 жніўня 2014
Паводле слоў Вялічкі, за апошнія месяцы ў Беларусь выехала прыкладна 26 тысяч грамадзян Украіны, каля 500 чалавек звярнуліся па статус бежанца (паводле звестак Белстата, за ўвесь 2013 год у Беларусь з Украіны эмігравала 2 тысячы 203 чалавекі). Каля паўтары тысячы ўкраінцаў маюць від на пастаяннае жыхарства ў Беларусі, што дае ім магчымасць працаваць і забяспечыць сябе жыллём, паведаміў пасол. Яшчэ больш за 3 тысячы заявак цяпер знаходзіцца на разглядзе.
"Цяпер мы таксама маем шмат зваротаў аб тым, каб прадоўжыць вучобу ў Беларусі, асабліва ад тых, хто прыехаў з зоны баявых дзеянняў", — дадаў кіраўнік беларускага дыппрадстаўніцтва ў Кіеве.
Вялічка падкрэсліў, што Беларусь па-ранейшаму выступае за тэрытарыяльную цэласнасць Украіны і вырашэнне канфлікту на ўсходзе краіны шляхам перамоў. "Наша пазіцыя нязменная: няма ніякай федэралізацыі, ёсць цэласнасць Украіны. Другое: усе пытанні павінны вырашацца праз перамоўны мірны шлях", — сказаў пасол.
Ён таксама запэўніў, што з боку Беларусі не будзе ваеннай агрэсіі адносна Украіны. "Я хачу сказаць словамі кіраўніка дзяржавы: ніколі з боку Беларусі і трэціх краін не будзе агрэсіі", — заявіў беларускі дыпламат.
Нагадаем, раней Аляксандр Лукашэнка заяўляў пра неабходнасць захаваць Украіну адзінай і цэласнай дзяржавай. "Нельга ў гэтай мітусні і блытаніне праводзіць нейкія рэферэндумы аб федэралізацыі і іншае. Гэта ўсё будзе неаб`ектыўна, гэта дасць падставу гаварыць, што яны нелегітымныя, і будзе вечна стаяць пытанне аб прызнанні і непрызнанні гэтага рэферэндуму", — гаварыў Лукашэнка ў канцы сакавіка ў інтэрв`ю ўкраінскай праграме "Шустэр live".
Анастасія Салановіч, БелаПАН
Мінск, 18 жніўня 2014
Ссылка на текущий документ: http://belarus.kz/aktueller/8-1/42/27190
Текущая дата: 27.12.2024