Юшчанка быў прэзідэнтам Украіны з 2005 года па 2010-ы, а ў 1999—2001 гадах кіраваў урадам гэтай краіны. Падчас апошніх прэзідэнцкіх выбараў, якія прайшлі ва Украіне ў 2004 годзе, Юшчанку змяніў на гэтай пасадзе Віктар Януковіч.

25 лютага 2010 года падчас сустрэчы ў Кіеве Віктара Януковіча з Аляксандрам Лукашэнкам зноў абраны прэзідэнт Украіны заявіў, што ў адносінах дзвюх краін настае новы этап.

"Мы гатовы разам з вамі разгледзець усе асноўныя стратэгічныя кірункі развіцця нашых адносін, — заявіў Януковіч. — Я гатовы працаваць разам з вамі, каб эканамічныя добрасуседскія адносіны паміж нашымі краінамі дынамічна развіваліся". "Я не забыўся і не забуду радзіму сваіх продкаў — Віцебскую вобласць", — дадаў Віктар Януковіч.

Напярэдадні другога тура прэзідэнцкі выбараў ва Украіне намеснік старшыні Партыі рэгіёнаў Ганна Герман заяўляла, што супрацоўніцтва з Беларуссю будзе адным з прыярытэтаў знешняй палітыкі Віктара Януковіча ў выпадку абрання яго прэзідэнтам. Паводле яе слоў, Віктар Юшчанка "позна зразумеў, што Беларусь — гэта вельмі важна", што для Украіны важны яе вопыт, што гэта важны сусед, "але лепш позна, чым ніколі". "Мы заўсёды пра гэта памяталі, і гэтым мы адрозніваемся ад Юшчанкі, — падкрэсліла палітык". Паводле слоў Герман, ва Украіне на Беларусь глядзяць "як на прыклад таго, як трэба кіраваць эканомікай, клапаціцца пра людзей, берагчы незалежнасць сваёй краіны". "І Віктар Фёдаравіч [Януковіч] не адзін раз гэта падкрэсліваў", — заўважыла яна.

Андрэй Серада, БелаПАН
Мінск, 23 лютага 2014

Ссылка на текущий документ: http://belarus.kz/aktueller/8-1/46/25164

Текущая дата: 30.09.2024