"Калі б уладныя людзі часцей прыслухоўваліся да голасу малых і сярэдніх дзяржаў, то, напэўна, не было б сёння таго букета праблем, з якімі сутыкаецца чалавецтва і якія даводзіцца вырашаць цяпер, - сказаў кіраўнік знешнепалітычнага ведамства. - Мы думаем, што сёння настаў час, калі Беларусі разам з партнёрамі па Руху недалучэння трэба змагацца і быць у авангардзе дзяржаў, якія фарміруюць шматпалярнасць, разважлівасць і справядлівасць у свеце".

Паводле слоў кіраўніка МЗС, у час міністэрскай сустрэчы РН, праведзенай у пачатку ліпеня ў Баку з яго ўдзелам, Беларусь традыцыйна вылучыла шэраг ініцыятыў, якія "адпавядаюць духу гэтай арганізацыі і духу часу, а таксама нацэлены на больш гарманічнае развіццё міжнародных адносін і на знаходжанне шляхоў вырашэння глабальных выклікаў і праблем, з якімі сутыкаецца сёння чалавецтва".

"Практычна ўсе нашы ініцыятывы знаходзілі ўсеагульную падтрымку сярод краін - членаў РН", - падкрэсліў Сяргей Алейнік.

Напрыклад, па ініцыятыве Беларусі і шэрага іншых краін у падагульняючай дэкларацыі сустрэчы былі адлюстраваны кансалідаваныя падыходы краін - членаў РН супраць аднабаковых прымусовых мер і санкцый.

"Была падкрэслена непрымальнасць прымянення такіх інструментаў у міжнароднай палітыцы, - сказаў міністр. - Асобна мы выдзелілі тэму харчовай бяспекі, якая сёння з`яўляецца вельмі важным аспектам для глабальнага Поўдня. Аднабаковыя меры і санкцыі аказваюць прамое ўздзеянне на харчовую бяспеку ў многіх краінах і рэгіёнах свету. З гэтым салідарны і нашы партнёры".

У падагульняючай дэкларацыі міністэрскай сустрэчы РН па ініцыятыве Беларусі адлюстравана палажэнне адносна дэпалітызацыі спорту і выкаранення дыскрымінацыі па нацыянальнай прыкмеце пры правядзенні міжнародных спартыўных мерапрыемстваў.

"Гэта прапанова (Беларусі.) была падтрымана ўсімі без выключэння краінамі - членамі РН. Гэта даволі значны сігнал для Міжнароднага алімпійскага камітэта, да якога ён, я спадзяюся, прыслухаецца, таму што частка бакінскай дэкларацыі адносна гэтага пацвярджае падтрымку большасцю краін міжнароднай супольнасці такой ініцыятывы", - сказаў кіраўнік МЗС.

У ліку ініцыятыў, якія вылучае наша краіна, ён таксама назваў палажэнні на тэму ўстойлівага развіцця, процідзеяння гандлю людзьмі, прадухілення стварэння новых відаў зброі масавага знішчэння.

"Беларусь у рамках РН актыўна адстойвае прыярытэт міжнароднага права і імкнецца развіваць не толькі свае нацыянальныя інтарэсы, але і актыўна ўдзельнічае ў выпрацоўцы калектыўных рашэнняў па ўсіх актуальных пытаннях глабальнага парадку дня. Мы працуем на ўмацаванне патэнцыялу і ролі РН у цяперашніх няпростых геапалітычных умовах.

Такая пазіцыя заслугоўвае павагі сярод краін - членаў РН і павышае ролю Беларусі, яе аўтарытэт у рамках гэтай арганізацыі. Мы плануем выкарыстоўваць пляцоўку РН для развіцця нашых новых ініцыятыў аб наладжванні дыялогу ў духу Сан-Францыска і аб распрацоўцы хартыі разнастайнасці ХХІ стагоддзя.

Гэта дакументы, над якімі нам яшчэ трэба будзе папрацаваць і якія закладуць добрую аснову для фармавання справядлівага шматпалярнага свету. Яны будуць адлюстроўваць неабходныя змяненні, якія трэба прыўнесці ў сучасны светапарадак, каб ён стаў больш справядлівым, дэмакратычным", - рэзюмаваў Сяргей Алейнік.

12 ліпеня 2023, Мінск
БЕЛТА