Пасол Кыргызстана ў Беларусі Эрык Асаналіеў адкліканы з Мінска для правядзення кансультацый. Адпаведнае рашэнне прынята 24 жніўня, паведамляе прэс-служба Міністэрства замежных спраў Кыргызстана.
"Гэта мера прынята ў сувязі з адсутнасцю рэакцыі кампетэнтных органаў беларускага боку на вербальную ноту ад 21 жніўня гэтага года і заяву МЗС КР ад 22 жніўня адносна знаходжання грамадзяніна Кыргызскай Рэспублікі Жаныбека Бакіева на тэрыторыі Рэспублікі Беларусь і адшукванага праваахоўнымі органамі Кыргызстана і Інтэрполам за ўчыненыя раней асабліва цяжкія крымінальныя злачынствы", — гаворыцца ў паведамленні.
У пасольстве Кыргызстана ў Мінску БелаПАН заявілі, што даведаліся пра адкліканне пасла з паведамленняў у СМІ. Зараз Эрык Асаналіеў знаходзіцца "ў службовай камандзіроўцы ў Кыргызстане", дадалі ў пасольстве.
Прэс-сакратар знешнепалітычнага ведамства Беларусі Андрэй Савіных заявіў БелаПАН, што беларускае МЗС "пакуль не атрымлівала якой-небудзь інфармацыі ад кыргызскага боку па гэтым пытанні".
Як паведамлялася раней, аб`яўлены ў міжнародны вышук Жаныш Бакіеў, брат звергнутага прэзідэнта Курманбека Бакіева, нядаўна быў заўважаны і сфатаграфаваны ў кафэ ў цэнтры Мінска з яшчэ двума падазронымі ў трайным забойстве.
Паводле звестак галоўнага ўпраўлення крымінальнага вышуку (ГУКВ) МУС Кыргызскай Рэспублікі, "здымак зроблены відавочцамі ў цэнтры Мінска каля элітнага беларускага кафэ "Грунвальд" на вуліцы Карла Маркса, недалёка ад Адміністрацыі прэзідэнта Рэспублікі Беларусь". "На ім сфатаграфаныя грамадзяне Кыргызскай Рэспублікі, аб`яўленыя ў міждзяржаўны вышук, — былы старшыня Службы дзяржаховы Жаныш Бакіеў, а таксама яго аднакурснік і экс-намеснік СДА Тахір Рысаліеў, 1957 года нараджэння, ураджэнец Нарынскай вобласці, і Рустам Сайдуеў, 1976 года нараджэння, ураджэнец Джалал-Абадскай вобласці, блізкі сябар Максіма Бакіева", — заявілі ў ГУКВ.
Паводле звестак ГУКВ, усе трое з`яўляюцца асноўнымі падазронымі ў забойстве былога кіраўніка Адміністрацыі прэзідэнта Кыргызстана Медэта Садыркулава, яго вадзіцеля Кубата Сулайманава і дырэктара Міжнароднага інстытута стратэгічных даследаванняў Сяргея Слепчанкі. Таксама паведамляецца, што кіраўніцтва ГУКВ МУС "некалькі разоў адпраўляла запыт у праваахоўныя органы Беларусі аб месцазнаходжанні асоб, якія адшукваюцца, і кожны раз атрымлівала адказ, што звестак пра гэтых асоб не маецца".
22 жніўня МЗС Кыргызстана выказала неўразуменне і занепакоенасць у сувязі з публікацыямі ў сродках масавай інфармацыі фатаграфій Жаныбека Бакіева, што пацвярджаюць яго знаходжанне на тэрыторыі Беларусі.
"Кампетэнтныя органы Кыргызскай Рэспублікі неаднаразова звярталіся ў дзяржаўныя органы Рэспублікі Беларусь з просьбай аб прыняцці мер па рэалізацыі абавязацельстваў, прынятых на сябе беларускім бокам згодна з Канвенцыяй аб прававой дапамозе і прававых адносінах па грамадзянскіх, сямейных і крымінальных справах і іншых міжнародных дагаворах, — сказана ў заяве. — На вялікі жаль, Генеральная пракуратура Рэспублікі Беларусь стала на шлях апраўдання Жаныбека Бакіева і кваліфікавала відавочныя крымінальныя злачынствы як "пераследы па прыкмеце палітычных перакананняў". Кыргызскі бок занепакоены тым, што Ж.Бакіеў свабодна перамяшчаецца па тэрыторыі Рэспублікі Беларусь, якая з`яўляецца дружалюбнай краінай і ўдзельніцай вышэйзгаданай Канвенцыі, а таксама іншых міжнародных дагавораў".
МЗС Кыргызстана выказала надзею, што беларускім бокам "усё-такі будуць прынятыя вычарпальныя меры па неадкладным затрыманні і экстрадыцыі Жаныбека Бакіева ў Кыргызскую Рэспубліку".
Звергнуты прэзідэнт Кыргызстана Курманбек Бакіеў з неафіцыйнай жонкай і двума дзецьмі прыбыў у Беларусь 19 красавіка 2010 года па запрашэнні Аляксандра Лукашэнкі. У сябе на радзіме Бакіеў абвінавачваецца ў службовых злачынствах і саўдзеле ў масавых забойствах.
Новыя ўлады Кыргызстана неаднаразова звярталіся ў Генпракуратуру Беларусі з просьбай аб выдачы Бакіева, але ім адмаўлялі. На думку беларускага боку, прававых падстаў для задавальнення просьбы аб выдачы Бакіева няма.
Таццяна Каравянкова, БелаПАН
Мінск, 24 жніўня 2012
У пасольстве Кыргызстана ў Мінску БелаПАН заявілі, што даведаліся пра адкліканне пасла з паведамленняў у СМІ. Зараз Эрык Асаналіеў знаходзіцца "ў службовай камандзіроўцы ў Кыргызстане", дадалі ў пасольстве.
Прэс-сакратар знешнепалітычнага ведамства Беларусі Андрэй Савіных заявіў БелаПАН, што беларускае МЗС "пакуль не атрымлівала якой-небудзь інфармацыі ад кыргызскага боку па гэтым пытанні".
Як паведамлялася раней, аб`яўлены ў міжнародны вышук Жаныш Бакіеў, брат звергнутага прэзідэнта Курманбека Бакіева, нядаўна быў заўважаны і сфатаграфаваны ў кафэ ў цэнтры Мінска з яшчэ двума падазронымі ў трайным забойстве.
Паводле звестак галоўнага ўпраўлення крымінальнага вышуку (ГУКВ) МУС Кыргызскай Рэспублікі, "здымак зроблены відавочцамі ў цэнтры Мінска каля элітнага беларускага кафэ "Грунвальд" на вуліцы Карла Маркса, недалёка ад Адміністрацыі прэзідэнта Рэспублікі Беларусь". "На ім сфатаграфаныя грамадзяне Кыргызскай Рэспублікі, аб`яўленыя ў міждзяржаўны вышук, — былы старшыня Службы дзяржаховы Жаныш Бакіеў, а таксама яго аднакурснік і экс-намеснік СДА Тахір Рысаліеў, 1957 года нараджэння, ураджэнец Нарынскай вобласці, і Рустам Сайдуеў, 1976 года нараджэння, ураджэнец Джалал-Абадскай вобласці, блізкі сябар Максіма Бакіева", — заявілі ў ГУКВ.
Паводле звестак ГУКВ, усе трое з`яўляюцца асноўнымі падазронымі ў забойстве былога кіраўніка Адміністрацыі прэзідэнта Кыргызстана Медэта Садыркулава, яго вадзіцеля Кубата Сулайманава і дырэктара Міжнароднага інстытута стратэгічных даследаванняў Сяргея Слепчанкі. Таксама паведамляецца, што кіраўніцтва ГУКВ МУС "некалькі разоў адпраўляла запыт у праваахоўныя органы Беларусі аб месцазнаходжанні асоб, якія адшукваюцца, і кожны раз атрымлівала адказ, што звестак пра гэтых асоб не маецца".
22 жніўня МЗС Кыргызстана выказала неўразуменне і занепакоенасць у сувязі з публікацыямі ў сродках масавай інфармацыі фатаграфій Жаныбека Бакіева, што пацвярджаюць яго знаходжанне на тэрыторыі Беларусі.
"Кампетэнтныя органы Кыргызскай Рэспублікі неаднаразова звярталіся ў дзяржаўныя органы Рэспублікі Беларусь з просьбай аб прыняцці мер па рэалізацыі абавязацельстваў, прынятых на сябе беларускім бокам згодна з Канвенцыяй аб прававой дапамозе і прававых адносінах па грамадзянскіх, сямейных і крымінальных справах і іншых міжнародных дагаворах, — сказана ў заяве. — На вялікі жаль, Генеральная пракуратура Рэспублікі Беларусь стала на шлях апраўдання Жаныбека Бакіева і кваліфікавала відавочныя крымінальныя злачынствы як "пераследы па прыкмеце палітычных перакананняў". Кыргызскі бок занепакоены тым, што Ж.Бакіеў свабодна перамяшчаецца па тэрыторыі Рэспублікі Беларусь, якая з`яўляецца дружалюбнай краінай і ўдзельніцай вышэйзгаданай Канвенцыі, а таксама іншых міжнародных дагавораў".
МЗС Кыргызстана выказала надзею, што беларускім бокам "усё-такі будуць прынятыя вычарпальныя меры па неадкладным затрыманні і экстрадыцыі Жаныбека Бакіева ў Кыргызскую Рэспубліку".
Звергнуты прэзідэнт Кыргызстана Курманбек Бакіеў з неафіцыйнай жонкай і двума дзецьмі прыбыў у Беларусь 19 красавіка 2010 года па запрашэнні Аляксандра Лукашэнкі. У сябе на радзіме Бакіеў абвінавачваецца ў службовых злачынствах і саўдзеле ў масавых забойствах.
Новыя ўлады Кыргызстана неаднаразова звярталіся ў Генпракуратуру Беларусі з просьбай аб выдачы Бакіева, але ім адмаўлялі. На думку беларускага боку, прававых падстаў для задавальнення просьбы аб выдачы Бакіева няма.
Таццяна Каравянкова, БелаПАН
Мінск, 24 жніўня 2012
Ссылка на текущий документ: http://belarus.kz/aktueller/8-1/57/16058
Текущая дата: 18.11.2024