Еўрасаюз заклікае ўлады Беларусі не ўводзіць у дзеянне новыя законапраекты, якія носяць рэпрэсіўны характар.
"З вялікім неспакоем мы прымаем да ведама зацверджаны ў беларускім парламенце праект паправак да закона аб грамадскіх арганізацыях, нацэлены на міжнародную падтрымку беларускай грамадзянскай супольнасці і палітычнай апазіцыі", — заявіла БелаПАН Мая Качыянчыч, прэс-сакратар вярхоўнага прадстаўніка ЕС па замежных справах і палітыцы бяспекі Кэтрын Эштан.
Яна адзначыла, што новы законапраект "падразумявае далейшае ўзмацненне абмежаванняў на дзейнасць у краіне грамадзянскай супольнасці і палітычнай апазіцыі, якія ўжо дзейнічаюць у цяжкіх умовах і з`яўляюцца аб`ектам абмежавальных правілаў рэгістрацыі".
Прэс-сакратар таксама нагадала, што на мінулым тыдні беларускі парламент прыняў папраўкі ў закон аб масавых мерапрыемствах, якія абмяжоўваюць правы грамадзян Беларусі на свабоду выказвання і сходаў.
"Мы таксама занепакоеныя цяперашнім разглядам законапраекта аб органах дзяржаўнай бяспекі, які можа пашырыць рэпрэсіўныя паўнамоцтвы КДБ", — сказала Качыянчыч.
"ЕС заклікае Беларусь не ўводзіць у дзеянне гэтыя тры законапраекты, улічваючы, што яны сталі б сур`ёзным крокам назад у сферы правоў чалавека і вяршэнства закона ў Беларусі. Мы працягнем сачыць за сітуацыяй і гатовыя да адпаведных дзеянняў", — заявіла прэс-сакратар Кэтрын Эштан.
Папраўкі ў заканадаўства, якія рэгулююць правядзенне масавых мерапрыемстваў, а таксама грамадска-палітычную дзейнасць у краіне, былі прынятыя ў першы ж дзень працы асенняй сесіі, вечарам 3 кастрычніка, пры адсутнасці СМІ.
Згодна з новым заканадаўствам, любыя грамадскія пратэсты без дазволу ўлад забароненыя, а замежнае фінансаванне НДА становіцца крымінальна каральным злачынствам.
Законапраект аб унясенні змяненняў у закон аб органах дзяржбяспекі, які пакуль толькі ўнесены на разгляд парламента, значна пашырае правы супрацоўнікаў спецслужбаў, у тым ліку дазваляе бесперашкоднае пранікненне ў любы час сутак у жылыя і офісныя памяшканні, прымяненне фізічнай сілы і спецсродкаў.
Прадстаўнікі беларускіх дэмакратычных НДА і праваабаронцы выступілі з сумеснай заявай, у якой заклікалі ўлады адмяніць рэпрэсіўныя законапраекты, якія, паводле іх ацэнкі, "накіраваныя на запалохванне беларускай грамадскасці, ставяць пад пагрозу вяртанне краіны на шлях нармальнага развіцця і заганяе яе ў становішча самаізаляцыі".
Антон Тарас, БелаПАН
Мінск, 14 кастрычніка 2011
Яна адзначыла, што новы законапраект "падразумявае далейшае ўзмацненне абмежаванняў на дзейнасць у краіне грамадзянскай супольнасці і палітычнай апазіцыі, якія ўжо дзейнічаюць у цяжкіх умовах і з`яўляюцца аб`ектам абмежавальных правілаў рэгістрацыі".
Прэс-сакратар таксама нагадала, што на мінулым тыдні беларускі парламент прыняў папраўкі ў закон аб масавых мерапрыемствах, якія абмяжоўваюць правы грамадзян Беларусі на свабоду выказвання і сходаў.
"Мы таксама занепакоеныя цяперашнім разглядам законапраекта аб органах дзяржаўнай бяспекі, які можа пашырыць рэпрэсіўныя паўнамоцтвы КДБ", — сказала Качыянчыч.
"ЕС заклікае Беларусь не ўводзіць у дзеянне гэтыя тры законапраекты, улічваючы, што яны сталі б сур`ёзным крокам назад у сферы правоў чалавека і вяршэнства закона ў Беларусі. Мы працягнем сачыць за сітуацыяй і гатовыя да адпаведных дзеянняў", — заявіла прэс-сакратар Кэтрын Эштан.
Папраўкі ў заканадаўства, якія рэгулююць правядзенне масавых мерапрыемстваў, а таксама грамадска-палітычную дзейнасць у краіне, былі прынятыя ў першы ж дзень працы асенняй сесіі, вечарам 3 кастрычніка, пры адсутнасці СМІ.
Згодна з новым заканадаўствам, любыя грамадскія пратэсты без дазволу ўлад забароненыя, а замежнае фінансаванне НДА становіцца крымінальна каральным злачынствам.
Законапраект аб унясенні змяненняў у закон аб органах дзяржбяспекі, які пакуль толькі ўнесены на разгляд парламента, значна пашырае правы супрацоўнікаў спецслужбаў, у тым ліку дазваляе бесперашкоднае пранікненне ў любы час сутак у жылыя і офісныя памяшканні, прымяненне фізічнай сілы і спецсродкаў.
Прадстаўнікі беларускіх дэмакратычных НДА і праваабаронцы выступілі з сумеснай заявай, у якой заклікалі ўлады адмяніць рэпрэсіўныя законапраекты, якія, паводле іх ацэнкі, "накіраваныя на запалохванне беларускай грамадскасці, ставяць пад пагрозу вяртанне краіны на шлях нармальнага развіцця і заганяе яе ў становішча самаізаляцыі".
Антон Тарас, БелаПАН
Мінск, 14 кастрычніка 2011
Ссылка на текущий документ: http://belarus.kz/aktueller/8-1/68/9835
Текущая дата: 24.12.2024