Пытанне аб закрыцці ў Мінску офіса Арганізацыі па бяспецы і супрацоўніцтве ў Еўропе (АБСЕ) будзе абмяркоўвацца 24 лютага ў рамках зімовай сесіі Парламенцкай асамблеі АБСЕ ў Вене.
Сесія будзе працаваць 24—25 лютага. Як паведамляе прэс-служба АБСЕ, беларускае пытанне плануецца абмеркаваць сёння на пасяджэнні агульнага камітэта па дэмакратыі, правах чалавека і гуманітарных пытаннях. Дыскусію адкрыюць кіраўнік Бюро па дэмакратычных інстытутах і правах чалавека (БДІПЧ) АБСЕ Янез Лянарчыч і прадстаўнік АБСЕ па пытаннях свабоды прэсы Дунья Міятавіч.
У Вену адправілася афіцыйная беларуская дэлегацыя ў складзе намесніка старшыні Палаты прадстаўнікоў Віктара Гумінскага і старшыні міжнароднай камісіі Савета Рэспублікі Нацыянальнага сходу Ніны Мазай.
Як паведаміла прэс-служба Палаты прадстаўнікоў, беларускія дэпутаты возьмуць удзел у пасяджэннях пастаяннага камітэта ПА АБСЕ, а таксама пасяджэннях трох агульных камітэтаў асамблеі: па палітычных пытаннях і бяспецы; па эканамічных пытаннях, навуцы, тэхналогіі і навакольным асяроддзі; па пытаннях дэмакратыі, правоў чалавека і гуманітарных пытаннях.
Нагадаем, 31 снежня 2010 года прадстаўнік Беларусі пры міжнародных арганізацыях у Вене Аляксандр Сычоў праінфармаваў членаў пастаяннага савета АБСЕ аб рашэнні Мінска не працягваць мандат мінскага офіса арганізацыі ў сувязі з "адсутнасцю аб`ектыўных падстаў для захавання місіі".
На думку палітолагаў, прычынай закрыцця офіса стала негатыўная ацэнка прадстаўнікамі АБСЕ вынікаў прэзідэнцкіх выбараў у Беларусі.
Захад асудзіў рашэнне афіцыйнага Мінска аб закрыцці офіса. Вярхоўны прадстаўнік ЕС Кэтрын Эштан і дзяржсакратар ЗША Хілары Клінтан выступілі з сумеснай заявай, у якой выказалі шкадаванне наконт гэтага. На іх думку, крытычная ацэнка прэзідэнцкіх выбараў з боку АБСЕ наглядна прадэманстравала, што выкананне мандата місіі ў Беларусі не завершана.
15 лютага падчас візіту ў ЗША дзейны старшыня АБСЕ — міністр замежных спраў Літвы Аўдронюс Ажубаліс у чарговы раз выказаў шкадаванне ў сувязі з рашэннем урада Беларусі не працягваць мандат офіса АБСЕ ў Мінску. "Літва як старшыня АБСЕ ў 2011 годзе абавязалася працягваць перамовы з Беларуссю і іншымі краінамі — удзельніцамі АБСЕ з мэтай прадоўжыць важную працу арганізацыі ў гэтай краіне", — сказаў ён.
Аднак 17 лютага на брыфінгу ў Мінску прэс-сакратар МЗС Беларусі Андрэй Савіных заявіў: рашэнне аб закрыцці офіса АБСЕ — канчатковае.
БелаПАН
Мінск, 24 лютага 2011
У Вену адправілася афіцыйная беларуская дэлегацыя ў складзе намесніка старшыні Палаты прадстаўнікоў Віктара Гумінскага і старшыні міжнароднай камісіі Савета Рэспублікі Нацыянальнага сходу Ніны Мазай.
Як паведаміла прэс-служба Палаты прадстаўнікоў, беларускія дэпутаты возьмуць удзел у пасяджэннях пастаяннага камітэта ПА АБСЕ, а таксама пасяджэннях трох агульных камітэтаў асамблеі: па палітычных пытаннях і бяспецы; па эканамічных пытаннях, навуцы, тэхналогіі і навакольным асяроддзі; па пытаннях дэмакратыі, правоў чалавека і гуманітарных пытаннях.
Нагадаем, 31 снежня 2010 года прадстаўнік Беларусі пры міжнародных арганізацыях у Вене Аляксандр Сычоў праінфармаваў членаў пастаяннага савета АБСЕ аб рашэнні Мінска не працягваць мандат мінскага офіса арганізацыі ў сувязі з "адсутнасцю аб`ектыўных падстаў для захавання місіі".
На думку палітолагаў, прычынай закрыцця офіса стала негатыўная ацэнка прадстаўнікамі АБСЕ вынікаў прэзідэнцкіх выбараў у Беларусі.
Захад асудзіў рашэнне афіцыйнага Мінска аб закрыцці офіса. Вярхоўны прадстаўнік ЕС Кэтрын Эштан і дзяржсакратар ЗША Хілары Клінтан выступілі з сумеснай заявай, у якой выказалі шкадаванне наконт гэтага. На іх думку, крытычная ацэнка прэзідэнцкіх выбараў з боку АБСЕ наглядна прадэманстравала, што выкананне мандата місіі ў Беларусі не завершана.
15 лютага падчас візіту ў ЗША дзейны старшыня АБСЕ — міністр замежных спраў Літвы Аўдронюс Ажубаліс у чарговы раз выказаў шкадаванне ў сувязі з рашэннем урада Беларусі не працягваць мандат офіса АБСЕ ў Мінску. "Літва як старшыня АБСЕ ў 2011 годзе абавязалася працягваць перамовы з Беларуссю і іншымі краінамі — удзельніцамі АБСЕ з мэтай прадоўжыць важную працу арганізацыі ў гэтай краіне", — сказаў ён.
Аднак 17 лютага на брыфінгу ў Мінску прэс-сакратар МЗС Беларусі Андрэй Савіных заявіў: рашэнне аб закрыцці офіса АБСЕ — канчатковае.
БелаПАН
Мінск, 24 лютага 2011
Ссылка на текущий документ: http://belarus.kz/aktueller/8-1/80/4649
Текущая дата: 23.12.2024