7 студзеня ў Брусэлі запушчаны мэханізм падрыхтоўкі рашэньня аб ужываньні Эўразьвязам санкцый у адносінах да беларускіх уладаў. Пра гэта расейскаму агенцтву "Новости" паведамілі ў апараце аднаго з Пастаянных прадстаўнікоў 27 краінаў Эўразьвязу ў Радзе ЭЗ.
Паведамляецца, што палітычнае рашэньне наконт санкцый будзе прынятае падчас першай сустрэчы кіраўнікоў МЗС дзяржаў Эўразьвязу, заплянаванай на 31 студзеня. Паводле дыпляматычных крыніцаў, сьпіс беларускіх афіцыйных асобаў, у адносінах да якіх ЭЗ зьбіраецца ўжыць санкцыі, можа быць пашыраны больш чым за сто чалавек.
Нагадаем што пасьля прэзыдэнцкіх выбараў 2006 года Эўразьвяз увёў у адносінах да Беларусі эканамічныя санкцыі, а таксама візавыя абмежаваньні для беларускіх чыноўнікаў, уключна з Лукашэнкам, абвінаваціўшы прэзыдэнта краіны ў правядзеньні несвабодных і непразрыстых выбараў.
Пра тое, што Эўразьвяз можа пашырыць ужываньне санкцый супраць Лукашэнкі і асобаў, адказных за гвалт і арышты ў адносінах да актывістаў беларускай апазыцыі падчас акцыі 19 сьнежня і ў наступныя дні, першымі заявілі кіраўнікі МЗС Швэцыі і Вугоршчыны -- Карл Більдт і Янаш Мартоні.
08 студзеня 2011
Радыё Свабода
Нагадаем што пасьля прэзыдэнцкіх выбараў 2006 года Эўразьвяз увёў у адносінах да Беларусі эканамічныя санкцыі, а таксама візавыя абмежаваньні для беларускіх чыноўнікаў, уключна з Лукашэнкам, абвінаваціўшы прэзыдэнта краіны ў правядзеньні несвабодных і непразрыстых выбараў.
Пра тое, што Эўразьвяз можа пашырыць ужываньне санкцый супраць Лукашэнкі і асобаў, адказных за гвалт і арышты ў адносінах да актывістаў беларускай апазыцыі падчас акцыі 19 сьнежня і ў наступныя дні, першымі заявілі кіраўнікі МЗС Швэцыі і Вугоршчыны -- Карл Більдт і Янаш Мартоні.
08 студзеня 2011
Радыё Свабода
Ссылка на текущий документ: http://belarus.kz/aktueller/8-1/84/3724
Текущая дата: 17.11.2024