Белорусский портал в Казахстане

Кіраўнік МЗС Казахстана высока ацаніў стратэгічнае партнёрства з Беларуссю



Аб гэтым на сустрэчы з Прэзідэнтам Беларусі заявіў намеснік прэм`ер-міністра - міністр замежных спраў Казахстана Мурат Нуртлеу.

Мурат Нуртлеу асабліва адзначыў тую гасціннасць, якую ён бачыць у Беларусі.

"Я лічу, што прыехаў да сяброў. Сёння для мяне гэта вялікая магчымасць данесці наша пасланне беларускім братам, сябрам, што Казахстан высока цэніць наша стратэгічнае партнёрства, - заявіў ён. - Мы абсалютна прыхільныя да далейшага развіцця нашых дружалюбных, братэрскіх адносін".

Ён падкрэсліў, што за тры дзесяцігоддзі супрацоўніцтва ў якасці незалежных дзяржаў у адносінах паміж Беларуссю і Казахстанам дасягнута вельмі шмат.

"У першую чаргу дзякуючы лідарам дзяржаў. Прэзідэнты нашых краін уносяць вялікі ўклад у збліжэнне нашых народаў, каб сувязі не разрываліся, каб мы шанавалі традыцыі, памяць аб мінулым", - сказаў кіраўнік МЗС Казахстана.

19 чэрвеня 2023, Мінск
БЕЛТА

Ссылка на текущий документ: http://belarus.kz/aktueller/8-414/1/69801
Текущая дата: 23.06.2024