Якія падзеі адбыліся 14 снежня і чым адзначаны гэты дзень у народным календары, чытайце далей:

У 1862 годзе ў Мінску назіралася паўночнае ззянне.

У 1906 годзе ў Мінску заснавана кніжнае таварыства "Мінчук".

У 1987 годзе быў створаны Беларускі саюз дызайнераў.

1890 год: Іван Гаўрыс, беларускі мастак.

1894 год: Пётр Юргелевіч, беларускі мовазнавец, педагог.

1912 год: Уладзімір Кароль, беларускі і савецкі архітэктар.

Таксама сёння нарадзіліся французскі ўрач і прадказальнік Настрадамус і дацкі астраном Ціха Браге.

Сёння праваслаўныя вернікі шануюць памяць святога Навума – аднаго з 12 малых прарокаў. У народзе яго празвалі Навум-настаўнік або Навум Граматнік. Казалі: "Прарок Навум наставіць на вум".

З гэтага дня вучылі дзяцей грамаце і маліліся святому, каб ён дапамог у навучанні. Існавала таксама выслоўе: "Чаму з моладу не навучыўся, таго і пад старасць не будзеш ведаць".

Сельскія дзеці, якія дапамагалі бацькам збіраць ураджай і наогул працавалі па гаспадарцы, маглі пачынаць вучыцца толькі тады, калі сельскагаспадарчыя працы спыняліся і ў іх з`яўляўся вольны час.

Калі на Навума вецер дзьме паўночны, хутка будзе пахаладанне.

Sputnik, 14 снежня 2024