Правал Украіны ў канфлікце з Расіяй стане немінучым фіналам калектыўнага Захаду, аб гэтым заявіў на палях саміту БРІКС у Казані прэзідэнт Беларусі Аляксандр Лукашэнка.

На думку беларускага лідара, прычынай такога выніку стане ўцягнутасць заходніх краін у канфлікт пастаўкамі зброі і фінансаваннем.

"З майго пункту гледжання, што адбываецца: калі раней мы казалі, што мір ва Украіне магчымы пры згодзе ЗША і Еўропы, калектыўнага Захаду, англасаксаў, то цяпер – яны ўжо больш хочуць міру, чым Валодзя Зяленскі. Ён упёрся зусім", - сказаў Лукашэнка ў інтэрв’ю "Известиям".

Прэзідэнт адзначыў, што кіеўскаму рэжыму былі абяцаны і грошы, і зброя. Не выканаць дадзеныя раней абяцанні для Захаду азначае згубіць твар. Аднак там бачаць і ацэньваюць сітуацыю на фронце.

"Яны разумеюць, што можа наступіць крах Украіны, а крах Украіны – гэта крах усяго калектыўнага Захаду, таму што яны ўвязаліся ў гэтую вайну. І зараз трэба неяк замірыцца", - мяркуе беларускі лідар.

З гэтай прычыны Захад трапіў у складаную сітуацыю і фактычна заклікае да мірных перагавораў.

Расія неаднаразова заяўляла, што пастаўкі ўзбраенняў Украіне не спрыяюць урэгуляванню канфлікту і сведчаць аб уцягванні краін НАТА ў канфлікт.

Калектыўны Захад з’яўляецца галоўным заказчыкам, галоўным падбухторшчыкам ваеннай агрэсіі кіеўскага рэжыму. І ўсё больш адкрыта дэманструе свой прамы ўдзел у якасці зацікаўленага боку.

У Маскве адзначалі, што прамы ўдзел заходніх краін ва ўкраінскім канфлікце мяняе яго сутнасць, і Расія будзе вымушана прымаць рашэнні, зыходзячы з пагроз для яе, якія ствараюцца такім чынам.

Мінск, 25 кастрычніка 2024
Sputnik