З 27 па 29 кастрычніка ў Маскве прайшлі ХІ Міжпарламенцкія гульні. Парламентарыі з 12 краін (Расіі, Беларусі, Кыргызстана, Камеруна, Кеніі, Эфіопіі, ПАР і інш.) спаборнічалі па такіх спартыўных дысцыплінах, як шахматы, міні-футбол, настольны тэніс, бадмінтон, вялікі тэніс, більярд, гольф. 

Каманда Нацыянальнага сходу Рэспублікі Беларусь прыняла актыўны ўдзел ва ўсіх заяўленых спартыўных турнірах.

Традыцыйна ў такіх спаборніцтвах беларуская каманда паказвае высокія рэзультаты. І ў гэтым годзе дэпутаты Палаты прадстаўнікоў і члены Савета Рэспублікі, якія адзінай камандай выйшлі абараняць гонар краіны на спартыўнай арэне, змаглі раскрыць свой патэнцыял, праявілі сілу характару, волю да перамогі і ў складанай канкурэнтнай барацьбе ўпэўнена заваявалі другое месца ў падагульняючым агульнакамандным заліку.

Акрамя таго, у Аляксандра Машкарова - залаты медаль у асабістым першынстве па бадмінтоне, Канстанціна Драздоўскага - залаты медаль у асабістым першынстве па настольным тэнісе і сярэбраны медаль у асабістым першынстве па більярдзе, Аляксандра Маркевіча - срэбра ў асабістым першынстве па настольным тэнісе, Аляксандра Амельянюка - бронзавы медаль у асабістым першынстве па шахматах, а футбольная каманда парламентарыяў заняла другое месца ў турніры па міні-футболе.

30 кастрычніка 2023, Мінск
БЕЛТА