Першыя камплекты ўзнагарод нацыянальнага першынства разыгралі шпажысты. Чэмпіёнам Беларусі сярод мужчын стаў Павел Дубоўскі, які ў фінале перамог Марка Семаненку. Бронзавыя медалі дасталіся Захару Гайдашу і Дзянісу Паўлоўскаму. У мужчынскім камандным турніры першынствавала зборная Гродзенскай вобласці, срэбра - у мінчан, трэцяе месца занялі прадстаўнікі Магілёўшчыны.

У жаночых індывідуальных спаборніцтвах па фехтаванні на шпагах золата чэмпіянату Беларусі заваявала Агата Царкова, срэбную ўзнагароду ў гэтым відзе атрымала Кацярына Цукора. На трэцюю прыступку п`едэстала гонару падняліся Надзея Кузняцова і Кацярына Пашарнёва. У камандных спаборніцтвах перамаглі дзяўчаты са сталіцы, зборная Брэсцкай вобласці стала другой, бронза ў актыве спартсменак Мінскай вобласці.

Заўтра медалі асабістых турніраў разыграюць рапірысты, уладальнікі камандных прызоў у гэтым відзе зброі будуць вядомы ў нядзелю. Спаборніцкую праграму чэмпіянату Беларусі па фехтаванні завершаць шаблісты 18-19 верасня.

15 верасня 2023, Мінск
БЕЛТА