Былы прэзідэнт Кыргызстана Курманбек Бакіеў і яго сваякі завочна прыгавораны Першамайскім судом Бішкека да працяглых тэрмінаў зняволення па справе аб спробе забойства замежнага бізнесмена Шона Дэйлі.
Як паведамілі агенцтву FOR.kg у Вярхоўным судзе краіны, Бакіеў прыгавораны да 25 гадоў пазбаўлення волі з канфіскацыяй маёмасці і адбываннем пакарання ў папраўчай калоніі ўзмоцненага рэжыму.
Згодна з крыніцай, брат звергнутага прэзідэнта і былы кіраўнік Службы дзяржаўнай аховы Жаныбек Бакіеў завочна прыгавораны да пажыццёвага пазбаўлення волі з канфіскацыяй маёмасці. Сыны Курманбека Бакіева Марат і Максім прыгавораны адпаведна да 20 гадоў турмы і пажыццёвага зняволення.
Нагадаем, Курманбек Бакіеў займаў прэзідэнцкую пасаду з 2005 года. 19 красавіка 2010 года пасля дзяржаўнага перавароту ў Кыргызстане Бакіеў з неафіцыйнай жонкай і двума дзецьмі прыехаў у Беларусь паводле асабістага запрашэння Аляксандра Лукашэнкі. Згодна з неафіцыйнай інфармацыяй, у жніўні таго ж года ён атрымаў беларускае грамадзянства.
Новыя ўлады Кыргызстана неаднаразова звярталіся ў Генпракуратуру Беларусі з просьбай аб выдачы Бакіева, але атрымлівалі адмову. На думку беларускага боку, прававых падстаў для задавальнення просьбы аб выдачы Бакіева няма.
11 лютага 2013 года Курманбек і Жаныбек Бакіевы прыгаворам Ваеннаго суда Бішкекскага гарнізона былі завочна асуджаны па справе аб забойстве трох чалавек. Курманбеку Бакіеву прызначана пакаранне ў выглядзе 24 гадоў пазбаўлення волі з канфіскацыяй маёмасці, яго брату — пажыццёвага пазбаўлення волі з канфіскацыяй маёмасці.
БелаПАН
Мінск, 5 красавіка 2014
Згодна з крыніцай, брат звергнутага прэзідэнта і былы кіраўнік Службы дзяржаўнай аховы Жаныбек Бакіеў завочна прыгавораны да пажыццёвага пазбаўлення волі з канфіскацыяй маёмасці. Сыны Курманбека Бакіева Марат і Максім прыгавораны адпаведна да 20 гадоў турмы і пажыццёвага зняволення.
Нагадаем, Курманбек Бакіеў займаў прэзідэнцкую пасаду з 2005 года. 19 красавіка 2010 года пасля дзяржаўнага перавароту ў Кыргызстане Бакіеў з неафіцыйнай жонкай і двума дзецьмі прыехаў у Беларусь паводле асабістага запрашэння Аляксандра Лукашэнкі. Згодна з неафіцыйнай інфармацыяй, у жніўні таго ж года ён атрымаў беларускае грамадзянства.
Новыя ўлады Кыргызстана неаднаразова звярталіся ў Генпракуратуру Беларусі з просьбай аб выдачы Бакіева, але атрымлівалі адмову. На думку беларускага боку, прававых падстаў для задавальнення просьбы аб выдачы Бакіева няма.
11 лютага 2013 года Курманбек і Жаныбек Бакіевы прыгаворам Ваеннаго суда Бішкекскага гарнізона былі завочна асуджаны па справе аб забойстве трох чалавек. Курманбеку Бакіеву прызначана пакаранне ў выглядзе 24 гадоў пазбаўлення волі з канфіскацыяй маёмасці, яго брату — пажыццёвага пазбаўлення волі з канфіскацыяй маёмасці.
БелаПАН
Мінск, 5 красавіка 2014
Ссылка на текущий документ: http://belarus.kz/aktueller/all/2464/25637
Текущая дата: 28.09.2024