Каманда дзяўчат «Беларусь 1» і зборная Расіі, заняўшы першыя месцы ў сваіх групах, адразу выйшлі ў паўфінал турніру. Іх саперніцы вызначацца сёння ў чвэрцьфінальных паядынках.

Каманда «Беларусь 2» згуляе ў чвэрцьфінале са спартсменкамі з Кыргызстана. Акрамя двух беларускіх каманд і баскетбалістак з Расіі, у жаночым турніры ўдзельнічаюць зборныя Казахстана, Узбекістана і Кыргызстана.

Тры перамогі ў сваіх групах забяспечылі пуцёўкі ў паўфінал юнакам з каманд Расіі і «Беларусь 1». Баскетбалісты каманды «Беларусь 2» у фінальным паядынку саступілі расійскім спартсменам, таму турнір яны працягнуць з чвэрцьфінальнай гульні з камандай Узбекістана. За медалі ў заключны спаборніцкі дзень будуць змагацца восем каманд: зборныя Расіі, Казахстана, Узбекістана, Кыргызстана, Таджыкістана і Туркменістана, а таксама дзве каманды Беларусі.

Ад барацьбы за медалі маладых баскетбалістаў сёння прыйшла атрымаць асалоду вялікая колькасць балельшчыкаў. Пяцігадовы Цімафей з бабуляй Вольгай Катлінскай прыйшлі пабалець за сваю цётку і дачку Паліну, якая выступае за беларускую каманду. «Балелі за сваіх, але і за чужых таксама. Пераможца павінен быць. Вельмі хвалююся, ці атрымаецца ўсё ў нашых спартсменаў сёння», — дзеліцца мінчанка.

Спаборніцкі дзень адкрые чвэрцьфінальны матч дзяўчат паміж камандай «Беларусь 2» і зборнай Кыргызстана за выхад у паўфінал.

Звязда, 12 жніўня 2023