Паводле інфармацыі прэс-службы Мінскай епархіі, у Нацыянальным аэрапорце Мінск мітрапаліта Мінскага і Слуцкага, патрыяршага экзарха ўсяе Беларусі сустрэлі кіраўнік спраў БПЦ архіепіскап Навагрудскі і Лідскі Гурый, вікарый Мінскай епархіі епіскап Барысаўскі Веніямін, сакратар Мінскага епархіяльнага ўпраўлення протаіерэй Мікалай Коржыч, настаяцель мінскага храма-помніка ў гонар Усіх святых протаіерэй Феадор Поўны. "Ад асобы беларускай дзяржавы мітрапаліта Паўла прывітаў ўпаўнаважаны па справах рэлігій і нацыянальнасцей Леанід Гуляка", — гаворыцца ў паведамленні.

Пасля кароткага прывітання патрыяршы экзарх пагутарыў з журналістамі. Затым Павел накіраваўся ў мінскі Свята-Духаў кафедральны сабор.

На цырымоніі прыбыцця новага прадстаяцеля БПЦ было дазволена прысутнічаць карэспандэнтам толькі дзяржаўных СМІ.

Дзмітрый Уласаў, БелаПАН
Мінск, 4 студзеня 2013

Ссылка на текущий документ: http://belarus.kz/aktueller/all/2526/24580

Текущая дата: 06.10.2024