Адразу тры факты незаконнага перамяшчэння кветак цераз беларускую мяжу былі выяўленыя на мінулым тыдні супрацоўнікамі Ашмянскай мытні. Ва ўсіх выпадках тавар накіроўваўся з Літвы на тэрыторыю Мытнага саюза.
Як паведаміла прэс-служба Дзяржаўнага мытнага камітэта, падчас правядзення аперацый мытнага кантролю ў рэспубліканскім пункце мытнага афармлення "Каменны Лог" быў прыпынены рух транспартнага сродку, які па дакументах перавозіў свежазрэзаныя кветкі. Праверыўшы груз, мытнікі выявілі, што ў аўтамабілі перамяшчаюцца на 60 тысяч штук кветак больш, чым указана ў таварасуправаджальных дакументах. Апрача таго, у грузавым адсеку знойдзены архідэі, якія наогул не былі заяўленыя ў афіцыйных паперах.
Праз некалькі дзён на гэтым жа мытным пасту былі прадухіленыя яшчэ дзве спробы незаконнай транспарціроўкі кветак цераз беларуска-літоўскую мяжу. У абодвух выпадках зламыснікі спрабавалі правезці тавар, не ўказваючы яго дакладную колькасць у суправаджальных дакументах.
Па фактах выяўленых правапарушэнняў распачатыя адміністрацыйныя працэсы. Ружы, хрызантэмы, архідэі ў колькасці больш як 80.000 штук і агульным коштам каля 1 мільярда рублёў канфіскаваныя.
Вячаслаў Будкевіч, БелаПАН
Мінск, 16 красавіка 2012
Праз некалькі дзён на гэтым жа мытным пасту былі прадухіленыя яшчэ дзве спробы незаконнай транспарціроўкі кветак цераз беларуска-літоўскую мяжу. У абодвух выпадках зламыснікі спрабавалі правезці тавар, не ўказваючы яго дакладную колькасць у суправаджальных дакументах.
Па фактах выяўленых правапарушэнняў распачатыя адміністрацыйныя працэсы. Ружы, хрызантэмы, архідэі ў колькасці больш як 80.000 штук і агульным коштам каля 1 мільярда рублёў канфіскаваныя.
Вячаслаў Будкевіч, БелаПАН
Мінск, 16 красавіка 2012
Ссылка на текущий документ: http://belarus.kz/aktueller/all/3015/13617
Текущая дата: 06.10.2024