У мінулыя выходныя падляскія памежнікі затрымалі 15 аўганцаў, якія нелегальна перасеклі беларуска-польскую мяжу.
Ці мае гэты інцыдэнт дачыненьне да нядаўніх заяваў беларускіх памежнікаў, што яны паслабілі памежны кантроль на мяжы з Эўразьвязам? Маёр Юзэф Пучыньскі з Падляскага аддзелу памежнай варты ў Беластоку лічыць, што зарана рабіць такія высновы.
______________________________
Максімюк: Ці вы маглі б нам распавесьці, у якіх абставінах адбылося затрыманьне гэтых аўганцаў?
Пучыньскі: 28 красавіка раніцай памежнікі Падляскага аддзелу памежнай варты з вартоўні ў Міхалове затрымалі 12 грамадзянаў Аўганістану — паводле таго, што гаварылі самыя затрыманыя, у якіх не было ніякіх дакумэнтаў, якія давалі б ім права прабываць на тэрыторыі Польшчы. Паўгадзіны пазьней, амаль у той самай мясцовасьці, былі затрыманыя яшчэ трое грамадзянаў Аўганістану. У суме — 15 чалавек. Яны перайшлі мяжу на прамежку, які належыць да вартоўні ў Міхалове. Яны пакінулі сьляды на мяжы, і іх затрымалі на дарозе недалёка вёскі Кандраткі.
Максімюк: Ці часта здараюцца ў вас затрыманьні такіх значных групаў нелегальных мігрантаў? У вас ёсьць статыстыка такіх затрыманьняў?
Пучыньскі: Сёлета гэта самая вялікая група затрыманых. Уключна зь ёю мы сёлета затрымалі пяць групаў — разам 39 чалавек. Для параўнаньня, летась мы затрымалі дзевяць такіх групаў — разам 54 чалавекі. У большасьці выпадкаў гэта грамадзяне Аўганістану, але здараюцца і іншыя нацыянальнасьці — грузіны, віетнамцы, часам расейцы.
Максімюк: Ці вы зьвязваеце гэты выпадак затрыманьня зь нядаўнімі заявамі зь беларускага боку, што яны будуць зьвяртаць менш увагі на тых, якія пакідаюць Беларусь, бо, маўляў, трэба перакінуць памежнікаў на мяжу з Украінай і таму падобнае?
Пучыньскі: На гэты момант цяжка сказаць. Мы ўвесь час сочым за разьвіцьцём сытуацыі і аналізуем яе. Мы таксама знаходзімся на сувязі з калегамі зь беларускага боку. Але пакуль яшчэ зарана, каб рабіць такія далёкасяжныя высновы. Магчыма, гэта адна з прычынаў.
Максімюк: Што адбываецца з такімі затрыманымі аўганцамі? Дзе яны цяпер — далей на памежнай вартоўні ў Міхалове?
Пучыньскі: Не. Акруговы суд у Беластоку ўжо прыняў рашэньне памясьціць гэтых затрыманых у цэнтры для замежнікаў у Беластоку, і яны цяпер знаходзяцца там. А мы зьвярнуліся да падляскага ваяводы з просьбай, каб ён прыняў рашэньне аб выдварэньні гэтых асобаў з тэрыторыі Польшчы. На дадзены момант справа затрыманых набыла службовы ход.
Максімюк: Калі выдварэньне, дык куды іх вышлюць — у Беларусь, адкуль яны прыйшлі?
Пучыньскі: Не, яны хутчэй за ўсё вернуцца на сваю бацькаўшчыну, гэта значыць, у Аўганістан.
Максімюк: Як гэта канкрэтна адбываецца? Польшча ім купіць квіткі на самалёт ці пашле назад у Аўганістан цягніком?
Пучыньскі: Калі нелегальных мігрантаў выпраўляюць назад на бацькаўшчыну, дык арганізуюць ім палёт чартэрным самалётам.
Максімюк: Як разумею, Польшча і Беларусь ня маюць дамовы аб вяртаньні нелегальных мігрантаў, так што ў Беларусь такіх людзей вы не высылаеце?
Пучыньскі: Гэта даволі цяжка. Мы можам так рабіць зь Літвой, калі пацьвердзім, што мігранты прыйшлі да нас адтуль, але не зь Беларусьсю.
Ян Максімюк
Радыё Свабода, 30 красавіка 2012
______________________________
Максімюк: Ці вы маглі б нам распавесьці, у якіх абставінах адбылося затрыманьне гэтых аўганцаў?
Пучыньскі: 28 красавіка раніцай памежнікі Падляскага аддзелу памежнай варты з вартоўні ў Міхалове затрымалі 12 грамадзянаў Аўганістану — паводле таго, што гаварылі самыя затрыманыя, у якіх не было ніякіх дакумэнтаў, якія давалі б ім права прабываць на тэрыторыі Польшчы. Паўгадзіны пазьней, амаль у той самай мясцовасьці, былі затрыманыя яшчэ трое грамадзянаў Аўганістану. У суме — 15 чалавек. Яны перайшлі мяжу на прамежку, які належыць да вартоўні ў Міхалове. Яны пакінулі сьляды на мяжы, і іх затрымалі на дарозе недалёка вёскі Кандраткі.
Максімюк: Ці часта здараюцца ў вас затрыманьні такіх значных групаў нелегальных мігрантаў? У вас ёсьць статыстыка такіх затрыманьняў?
Пучыньскі: Сёлета гэта самая вялікая група затрыманых. Уключна зь ёю мы сёлета затрымалі пяць групаў — разам 39 чалавек. Для параўнаньня, летась мы затрымалі дзевяць такіх групаў — разам 54 чалавекі. У большасьці выпадкаў гэта грамадзяне Аўганістану, але здараюцца і іншыя нацыянальнасьці — грузіны, віетнамцы, часам расейцы.
Максімюк: Ці вы зьвязваеце гэты выпадак затрыманьня зь нядаўнімі заявамі зь беларускага боку, што яны будуць зьвяртаць менш увагі на тых, якія пакідаюць Беларусь, бо, маўляў, трэба перакінуць памежнікаў на мяжу з Украінай і таму падобнае?
Пучыньскі: На гэты момант цяжка сказаць. Мы ўвесь час сочым за разьвіцьцём сытуацыі і аналізуем яе. Мы таксама знаходзімся на сувязі з калегамі зь беларускага боку. Але пакуль яшчэ зарана, каб рабіць такія далёкасяжныя высновы. Магчыма, гэта адна з прычынаў.
Максімюк: Што адбываецца з такімі затрыманымі аўганцамі? Дзе яны цяпер — далей на памежнай вартоўні ў Міхалове?
Пучыньскі: Не. Акруговы суд у Беластоку ўжо прыняў рашэньне памясьціць гэтых затрыманых у цэнтры для замежнікаў у Беластоку, і яны цяпер знаходзяцца там. А мы зьвярнуліся да падляскага ваяводы з просьбай, каб ён прыняў рашэньне аб выдварэньні гэтых асобаў з тэрыторыі Польшчы. На дадзены момант справа затрыманых набыла службовы ход.
Максімюк: Калі выдварэньне, дык куды іх вышлюць — у Беларусь, адкуль яны прыйшлі?
Пучыньскі: Не, яны хутчэй за ўсё вернуцца на сваю бацькаўшчыну, гэта значыць, у Аўганістан.
Максімюк: Як гэта канкрэтна адбываецца? Польшча ім купіць квіткі на самалёт ці пашле назад у Аўганістан цягніком?
Пучыньскі: Калі нелегальных мігрантаў выпраўляюць назад на бацькаўшчыну, дык арганізуюць ім палёт чартэрным самалётам.
Максімюк: Як разумею, Польшча і Беларусь ня маюць дамовы аб вяртаньні нелегальных мігрантаў, так што ў Беларусь такіх людзей вы не высылаеце?
Пучыньскі: Гэта даволі цяжка. Мы можам так рабіць зь Літвой, калі пацьвердзім, што мігранты прыйшлі да нас адтуль, але не зь Беларусьсю.
Ян Максімюк
Радыё Свабода, 30 красавіка 2012
Ссылка на текущий документ: http://belarus.kz/aktueller/all/3038/13897
Текущая дата: 07.10.2024