Машыны на пераходзе, які больш вядомы як "Варшаўскі мост", пачалі збірацца яшчэ вечарам 29 красавіка. Да раніцы на мяжы, паводле слоў Кіслова, ужо выстраілася сур`ёзная чарга. Паводле яго ацэнкі, з больш як паўтары сотні аўтамабіляў у чарзе на выезд з Беларусі толькі 5% накіроўваюцца на адпачынак.

Прапускная здольнасць "Брэста" складае 1.200 аўтамабіляў у адзін бок за суткі, а чэргі ствараюцца, калі на аўтадарожны пункт пропуску адначасова прыбываюць больш як сто аўтамабіляў. Такім чынам, пры такой чарзе, якая назіраецца зараз, аўтамабілі могуць прастаяць на мяжы ад 4 да 12 гадзін.

Толькі для таго, каб даехаць да тэрыторыі пераходу, аўтамабілісты адстаялі ў чарзе чатыры-пяць гадзін. Сітуацыя даволі наэлектрызаваная, асабліва калі нехта спрабуе аб`ехаць чаргу, як гэта машына з расійскім нумарам.

Чакаецца, што з наступленнем мая чэргі на беларуска-польскай мяжы стануць меншымі, бо з 1 па 3 мая ў Польшчы адзначаюць дзяржаўныя святы (Свята працы і Дзень Канстытуцыі). Большасць гандлёвых аб`ектаў гэтымі днямі ў Польшчы будуць зачынены, а значыць, паток беларусаў, якія едуць у суседнюю краіну ў асноўным за пакупкамі, знізіцца.

БелаПАН, 30 красавіка 2012

Ссылка на текущий документ: http://belarus.kz/aktueller/all/3040/13928

Текущая дата: 07.10.2024