Спікерамі выступаюць асноўныя гульцы, якія фармуюць інфраструктуру для рэалізацыі інвестпраектаў у Беларусі: дзяржаўныя органы ўлады і кіравання, фінансавыя інстытуты, СЭЗы і індустрыяльныя паркі. Удзельнікі абмяркоўваюць асноўныя інвестыцыйныя і імпартазамяшчальныя напрамкі, у тым ліку пытанні дзяржаўнай палітыкі і рэгулявання ў галіне імпартазамяшчэння (змяненні ў заканадаўстве і перспектывы, пляцоўкі і лакацыі для рэалізацыі інвестыцыйных праектаў, фінансаванне імпартазамяшчальных інвестпраектаў), а таксама дзеляцца досведам рэалізацыі паспяховых праектаў.

"Асноўная частка тэрыторыі СЭЗ "Мінск" актыўна выкарыстоўваецца, але ёсць і свабодныя ўчасткі, якія мы прапануем інвестарам для будаўніцтва новых прадпрыемстваў. Адзін з найбольш перспектыўных раёнаў для развіцця сферы прамысловасці і транспартна-лагістычных паслуг - Фаніпаль, - сказаў першы намеснік кіраўніка адміністрацыі СЭЗ "Мінск" Сяргей Бубенька. - На гэтай тэрыторыі існуе ўнікальны ўчастак - радовішча Фаніпальскае, дзе можа быць створана рэальная вытворчасць па комплекснай перапрацоўцы лёсападобнага супеску і суглінку з вытворчасцю керамічнай пліткі, посуду і розных відаў цэглы".

СЭЗ "Мінск" створана ў сакавіку 1998 года, размешчана на 21 участку агульнай плошчай больш як 2650 га ў Мінску, Мінскай вобласці, у раёне гарадоў Фаніпаль, Маладзечна, Барысаў, Жодзіна і Смалявічы. Вытворчую дзейнасць у СЭЗ ажыццяўляюць 100 прадпрыемстваў-рэзідэнтаў.

5 мая 2023, Мінск
БЕЛТА