Для поўнага забеспячэння спажывецкага рынку мясам на ўзроўні ўрада зацверджаны план пастаўкі гэтай прадукцыі на спажывецкі рынак краіны. За выкананнем плана ўстаноўлены штотыднёвы кантроль з боку МАРГ і Мінсельгасхарча.

"Доля продажу беларускай прадукцыі арганізацыямі гандлю складае па свініне 100 працэнтаў, ялавічыне і мясе птушкі - 99,5 працэнта. Штогод арганізацыямі гандлю рэалізуецца каля 130-135 тыс. т мяса птушкі, 70-75 тыс. т свініны і 5-7 тыс. т ялавічыны", - расказалі ў прэс-службе.

Вытворчасць мяса ў рэспубліцы значна перавышае патрэбнасць унутранага рынку краіны. "Беларусамі спажываецца менш за 30 працэнтаў ад вытворчасці мяса птушкі і свініны, менш за 3 працэнты ялавічыны. Астатняя прадукцыя рэалізуецца на экспарт", - паведамілі ў міністэрстве.

Як адзначылі ў прэс-службе, штомесяц пад поўную патрэбнасць арганізацый гандлю ў адпаведнасці з планам павінна пастаўляцца 18,5 тыс. т мяса птушкі. Па выніках красавіка 2023 года план выкананы на 109 працэнтаў, у тым ліку па тушцы на 119 працэнтаў, па разбіранні - на 105 працэнтаў. МАРГ фіксуе наяўнасць прадукцыі ў асартыменце ва ўсіх гандлёвых аб`ектах, якія рэалізуюць мяса.

"Такім чынам, цяпер спажывецкі попыт насельніцтва на свініну, ялавічыну і мяса птушкі задавальняецца ў поўным аб`ёме і неабходным асартыменце", - падкрэслілі ў ведамстве.

29 красавіка 2023, Мінск
БЕЛТА