Сёння адзначаецца Сусветны дзень рыбалоўства. Якія яшчэ падзеі адбыліся 27 чэрвеня і чым адзначаны гэты дзень у народным календары, чытайце далей:

У 1707 годзе расійскае войска ўзяло Быхаў у час Паўночнай вайны.

У 2007 годзе савет горада Гайнаўка (Падляшша) прыняў закон аб выкарыстанні беларускай мовы як дапаможнай у мясцовай адміністрацыі.

У 2014 годзе ў Віцебску адбылося ўрачыстае адкрыццё помніка Альгерду.

1909 год: Сяргей Знаёмы, беларускі пісьменнік.

1925 год: Лідзія Арабей, беларуская пісьменніца, крытык, літаратуразнавец.

Таксама сёння нарадзіліся нямецкі канструктар зброі Пауль Маўзер і расійская эстрадная спявачка Алсу.

Сёння праваслаўныя вернікі шануюць памяць прарока Елісея і святога Елісея Сумскага.

У гэты час дасявалі познюю грэчку, калі надвор`е было добрым і сухім. Калі ж дзень быў дажджысты, такое надвор`е магло захоўвацца яшчэ тыдзень.

Дождж і непагадзь прыносіў паўночна-заходні вецер. Пра тое, што набліжаецца дождж, можна было казаць і заўважыўшы жаб далёка ад вады.

Sputnik, 27 чэрвеня 2024