Гэты дзень з`яўляецца дзвесце сёмым па грыгарыянскім календары, да канца года засталося 159 дзён.
Якія падзеі адбыліся 25 ліпеня і чым адзначаны гэты дзень у народным календары, чытайце далей:
Гістарычныя падзеі 25 ліпеня
У 1410 годзе войскі Польшчы і ВКЛ пачалі аблогу сталіцы Тэўтонскага ордэна, горада Марыенбурга.
У 1853 годзе ў Мінску створана першая прафесійная пажарная каманда.
У 1993 годзе ў Лідзе паставілі помнік Францыску Скарыне.
Хто нарадзіўся 25 ліпеня
1840 год: Юльян Крачкоўскі, беларускі фалькларыст, этнограф, гісторык і педагог.
1912 год: Сяргей Астрэйка, беларускі паэт.
1937 год: Дзмітрый Смольскі, беларускі кампазітар і педагог.
Таксама сёння нарадзіліся рускі мастак Апалінарый Васняцоў і рускі пісьменнік Васіль Шукшын.
25 ліпеня ў народным календары
Сёння праваслаўныя вернікі шануюць памяць святых пакутнікаў Прокла і Іларыя.
У народным календары гэты дзень называлі Прокл вялікія росы. Казалі: "На Прокла поле ад расы прамокла". Да гэтага часу збіралі сена, таму што пасля з-за вільгаці яно пачынала гнісці.
Расу на Прокла збіралі на льняныя прасціны і абціралі ёй дзяцей, таму што верылі: так яны вырастуць здаровыя.
Калі дзень 25 ліпеня сонечны, восень будзе сухая і цёплая. Калі ж халаднаваты – зіма будзе ранняя і халодная.
Sputnik, 25 ліпеня 2024
Ссылка на текущий документ: http://belarus.kz/aktueller/all/59/74782
Текущая дата: 24.11.2024