ІНТЭРВ`Ю   ЯКУБА   КОЛАСА

Быў я ў Парыжы на кангрэсе,
То ў Загібельцы, браце, лепш:
Грыбоў няма ў Булонскім лесе,
А ў Сене - хоць бы адзін лешч.

               ***
«ТОЎСТАМУ» ПІСЬМЕННІКУ

Не надзімайся так, пастой:
Не усякі тоўсты - Леў Талстой.

              ***
НА АНАНІМА

Спыталіся ў яго:
- Ты ведаеш Іуду?
- Якога? Гэтага паскуду?
Іскарыёта, што прадаў Хрыста?
Гандляр паршывы! Свалата!
Ды я б яго павесіць загадаў:
Такі тавар!
I танна так прадаў!

             ***
НА ПРАЗАІКА

Празаік раманам хваліўся
Старонак на тысячу трыста,
Раман жа з паліцы зваліўся
I забіў раманіста.

             ***
КРЭДА ХАЛТУРШЧЫКА Ў ПАЭЗІІ

Дзеля пары «цалкашоў»
Я нічым не грэбую:
Я ў паэзію пайшоў
За сваей патрэбаю.

             ***
«СТАРОЙ» ЗНАЁМАЙ У МІНІ-СПАДНІЦЫ

Што з таго, што ты, Марыя,
Ногі выставіш старыя?
Што з тых ног за прыгажосць?
I ў мяне такія ёсць.

             ***

Ссылка на текущий документ: http://belarus.kz/pages/print/1/769

Текущая дата: 04.05.2024