https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Міністэрства адукацыі Беларусі не плануе закрываць ліцэі


Як паведаміла начальнік упраўлення агульнай сярэдняй адукацыі Міністэрства адукацыі Ірына Каржова, летась, у адпаведнасці з планам работы міністэрства, вывучалася дзейнасць ліцэяў, якія рэалізуюць адукацыйную праграму агульнай сярэдняй адукацыі.
Па выніках праведзенага аналізу і ў мэтах удасканалення іх дзейнасці былі прыняты рашэнні, накіраваныя на недапушчэнне дубліравання профіляў у ліцэях, размешчаных у адным горадзе, павышэнне якасці адукацыйнага працэсу ў ліцэях, прадстаўленне магчымасці навучання ў ліцэях навучэнцам, якія жывуць у сельскіх населеных пунктах, умацаванне матэрыяльна-тэхнічнай базы ліцэяў.

У гэтых мэтах былі ўнесены змяненні ў Палажэнне аб установе агульнай сярэдняй адукацыі, дзе вызначаны парадак дзейнасці ліцэяў. Прынята рашэнне праводзіць уступныя іспыты ў 10 класы ліцэяў у пісьмовай форме, у аднолькавыя тэрміны і па адзіных тэкстах. У мэтах прадухілення карупцыі пры арганізацыі і правядзенні ўступных іспытаў заданні для іх правядзення будуць распрацоўвацца Рэспубліканскім інстытутам кантролю ведаў.

У ліцэі змогуць быць залічаны навучэнцы, якія здалі ўступныя іспыты на адзнакі не ніжэйшыя за 6 балаў. Прадугледжана таксама арганізацыя дадатковага прыёму для вучняў, якія не паступілі ў абраны ліцэй, але набралі дастатковую колькасць балаў для паспяховага навучання ў тых ліцэях, дзе ёсць свабодныя месцы.

Ірына Каржова звярнула ўвагу на тую акалічнасць, што ў Кодэкс аб адукацыі ўнесена нарматыўнае палажэнне, якое абавязвае ліцэі ствараць умовы для пражывання іншагародніх навучэнцаў.

Надзея Нікалаева
Звязда, 3 лютага 2022
 
Дата публикации:03.02.2022
Тематика:Образование, Беларусь
Просмотров:183
 
Ключевые слова:
Среднее образование Лицей Контроль знаний
 
 


Комментарии



 



Другие новости по этой теме