https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Раман Галоўчанка знаходзіцца з рабочым візітам у Казахстане


У ходзе травеньскага візіту прэм`ер-міністра Казахстана ў Мінск гаворка ішла аб пашырэнні супрацоўніцтва паміж дзвюма краінамі, у прыватнасці, для Беларусі актуальна пытанне паставак нафты.
Прэм`ер-міністр Беларусі Раман Галоўчанка 26-28 чэрвеня наведвае з рабочым візітам Казахстан, паведамілі ў прэс-службе беларускага ўрада.

У ходзе візіту пройдуць сустрэча з прэзідэнтам Казахстана Касым-Жамартам Такаевым. Таксама адбудуцца перамовы пашыранага фармату з прэм`ер-міністрам Аскарам Мамінам.

Запланавана падпісанне двухбаковых дакументаў. Па некаторых дадзеных, Мінск і Нур-Султан блізкія да падпісання пагаднення аб пастаўках нафты ў Беларусь.

Акрамя таго, беларускі прэм`ер наведае шэраг казахстанскіх прадпрыемстваў, у тым ліку ТАА "СарыаркаАўтаПрам", АТ "Аграмаш-холдынгKZ", ТАА "Кампазіт Груп Казахстан", АТ "Сакалоўска-Сарбайскае горна-абагачальнае вытворчае аб`яднанне", завод ModeX, паведамілі ў прэс -службе.

Кіраўнік беларускага ўрада пабывае ў міжнародным фінансавым цэнтры "Астана" і наведае Нацыянальны музей Казахстана.

Прэм`ер-міністр Казахстана Аскар Мамін наведваў Беларусь у канцы траўня, дзе прымаў удзел у пасяджэнні Савета кіраўнікоў урадаў СНД і правёў перамовы з беларускім калегам Раманам Галоўчанка.

Тады прэм`еры абмеркавалі перспектывы далейшага супрацоўніцтва дзвюх краін у гандлёва-эканамічнай, інвестыцыйнай, транспартна-лагістычнай, аграпрамысловай сферах, фармацэўтыцы і ахове здароўя, а таксама закранулі пытанні ўзаемадзеяння ў рамках СНД, ЕАЭС і іншых інтэграцыйных аб`яднанняў.

Узаемадзеянне Беларусі і Казахстана

Па выніках I квартала гэтага года двухбаковы тавараабарот Беларусі і Казахстана склаў 175,6 мільёна долараў, на 12% перавысіўшы аналагічны перыяд 2020 года.

У Казахстане працуюць восем сумесных беларуска-казахстанскіх прадпрыемстваў па вытворчасці буйной прамысловай і сельгастэхнікі з лакалізацыяй на ўзроўні 40%.

Мінск, 26 чэрвеня 2021
Sputnik
 
Дата публикации:26.06.2021
Тематика:ЕАЭС, Экономика
Просмотров:153
 
Ключевые слова:
Беларусь-Казахстан Товарооборот Нефть
 
 


Комментарии



 



Другие новости по этой теме