https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Першы беларускі электракар зможа пераадольваць 400 кіламетраў


Беларускія распрацоўшчыкі электрамабіля гарантуюць бесперабойную працу электрабатарэі на працягу пяці гадоў.
НАН Беларусі сумесна з СЗАТ "БЕЛДЖЫ" вырабяць вопытна-прамысловую партыю электрамабіляў "БЕЛДЖЫ еX50", расказаў гендырэктар Аб’яднанага інстытута машынабудавання Сяргей Паддубка.

Ён паведаміў, што будзе створана пяць электрамабіляў, якія пройдуць выпрабаванні да 1 студзеня наступнага года. Вопытна-прамысловую партыю зробяць па заводскіх тэхналогіях. Гэта дазволіць пралічыць эканоміку вытворчасці.

"Асноўнае пытанне, якое зараз усіх цікавіць, – колькі будзе каштаваць гэтая машына і ці зможам мы дабіцца эканомікі ва ўсім гэтым праекце", - цытуе гендырэктара газета "Рэспубліка".

Па словах Паддубкі, сумненняў на той конт, што ў Беларусі могуць зрабіць электрамабіль, ні ў каго няма. Пад пытаннем стаіць канкурэнцыя з электракарамі, якія вырабляюцца ў іншых краінах.
Ён асабліва адзначыў, што каля 30-40% кошту электрамабіля складае батарэя. У беларускім электракары трэба будзе мяняць яе не цалкам, а толькі яе кампаненты, якія выйшлі са строю.

"У нашага электрамабіля рэсурс батарэі, які будзе гарантаваны, складзе пяць гадоў. Намінальная магутнасць прывада – 80 кВт, што вышэй, чым у Geometry (50 кВт)", - дадаў гендырэктар.

На яго думку, беларускі электрамабіль нічым не саступае бензінавай версіі, бо яго прабег складае 400 кіламетраў. Батарэя дазваляе рабіць паездкі за горад і назад.

Раней віцэ-прэм’ер Беларусі Пётр Пархомчык паведаміў, што каштаваць беларускі электракар будзе прыкладна як бензінавая машына Belgee Х50. Цяпер цана ў афіцыйнага дылера на гэтую машыну стартуе ад 66 тысяч беларускіх рублёў у базавай камплектацыі (20 325 долараў па курсе Нацбанка на 24 лютага 2024 года).

Мінск, 24 лютага 2024
Sputnik
 
Дата публикации:24.02.2024
Тематика:Товары из Беларуси, Экономика
Просмотров:147
 
Ключевые слова:
Автопром Электромобиль
 
 


Комментарии



 



Другие новости по этой теме