https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У 2023 годзе чысты прыбытак рэзідэнтаў "Вялікага каменя" вырас у два разы


У 2023 годзе чысты прыбытак рэзідэнтаў "Вялікага каменя" вырас у два разы, паведамілі ў прэс-службе Мінэканомікі.
Беспрэцэдэнтны аб’ём ільгот і прэферэнцый, прапануемых індустрыяльным паркам "Вялікі камень", садзейнічае прыцягненню айчынных і замежных інвестараў. На сёння на яго тэрыторыі рэалізуюць праекты 127 кампаній з заснавальнікамі з 14 краін. У 2023 годзе склад рэзідэнтаў папоўніўся 26 новымі прадпрыемствамі, яшчэ 8 зарэгістравана ўжо ў гэтым годзе.

Па выніках работы ў 2023 годзе рэзідэнтамі забяспечаны рост ключавых фінансава-эканамічных паказчыкаў: чыстага прыбытку і ПЗІ на чыстай аснове - у 2 разы, сумы выплачаных падаткаў, збораў і плацяжоў - у 1,8 раза, вытворчасці - у 1,6 раза, выручкі - у 1,5 раза.

Ствараюцца дадатковыя магчымасці для прыцягнення інвестыцый у парк. Так, у мінулым годзе прыняты рашэнні па стымуляванні развіцця традыцыйнай і інавацыйнай кітайскай медыцыны, рэалізацыі праектаў у галіне фармацэўтыкі, вытворчасці медыцынскіх вырабаў і абсталявання. Дзякуючы гэтым навацыям у "Вялікі камень" прыйшлі ўжо новыя кампаніі, якія плануюць стварэнне вытворчасцей фармацэўтычнай прадукцыі, прэпаратаў in vitro дыягностыкі, перадавых біямедыцынскіх матэрыялаў.

19 лютага 2024, Мінск
БЕЛТА
 
Дата публикации:19.02.2024
Тематика:Индустриальный парк в Беларуси, Экономика
Просмотров:123
 
Ключевые слова:
Великий Камень Инвестиции Технологии
 
 


Комментарии



 



Другие новости по этой теме