https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Падрыхтоўка спартсменаў высокага класа. Хто будзе вучыцца ў спецыялізаваных спартыўных класах


Міністэрства спорту і турызму і Міністэрства адукацыі сумеснай пастановай ад 23 жніўня 2022 года нумар 40/283 зацвердзілі палажэнне аб спецыялізаваных па спорце класах, паведамляе Нацыянальны прававы інтэрнэт-партал.
Спецыялізаваныя спартыўныя класы створаць з мэтай забяспечыць умовы па арганізацыі вучэбна-трэніровачнага працэсу і яго рацыянальнага спалучэння з адукацыйным працэсам і падрыхтаваць спартыўны рэзерв і (або) спартсменаў высокага класа.

У гэтыя класы для атрымання агульнай сярэдняй адукацыі прымуць асоб, здольных дасягнуць высокіх спартыўных рэзультатаў у выбраным відзе спорту, якія прайшлі адбор і не маюць медыцынскіх проціпаказанняў да заняткаў выбранымі відамі спорту. Адзначаецца, што кандыдатаў для навучання адбяруць па выніках удзелу ў спартыўных спаборніцтвах і здачы нарматываў па фізічнай і спецыяльнай падрыхтоўцы, што вызначаны вучэбнымі праграмамі па асобных відах спорту.

Палажэнне таксама ўстанаўлівае парадак дзейнасці спецыялізаваных па спорце класаў, тэрміны адбору асоб, здольных дасягнуць высокіх спартыўных рэзультатаў у выбраным відзе спорту, а таксама асаблівасці арганізацыі, правядзення і забеспячэння вучэбна-трэніровачнага працэсу з навучэнцамі ў такіх класах.

Пастанова ўступае ў сілу пасля яе афіцыйнага апублікавання.

9 верасня 2022, Мінск
БЕЛТА
 
Дата публикации:09.09.2022
Тематика:Образование, Спорт и Туризм
Просмотров:773
 
Ключевые слова:
Специализированные классы Спорт в Беларуси
 
 


Комментарии



 



Другие новости по этой теме